08:15 21 Қаңтар 2020
Тікелей эфир
  • USD375.91
  • EUR416.85
  • RUB6.10
Қоғам
Қысқа сілтеме алу
678 0 0

Министр біліктілік сынағын тапсыруға 60 мыңнан астам мұғалімнің жазылатынын күтпегенін айтты

АСТАНА, 28 сәуір  — Sputnik. Лауазымдық жалақысын қосымша 50%-ға өсіру үшін 60 мыңнан астам мұғалім біліктілік тестін тапсыруға жазылған. Бұл туралы Елбасының төрағалығымен өтіп жатқан Қазақстан халқы Ассамблеясының XXVI сессиясында білім және ғылым министрі Ерлан Сағадиев мәлім етті, деп хабарлайды Sputnik Қазақстан тілшісі. 

Нұрсұлтан Назарбаев Ресейдің Первый канал телеарнасына сұхбат берді
© Официальный сайт Президента РК /

"Елімізде білім саласы қарқынды дамып келеді. Соңғы 17 жылда мектепке дейінгі білімге бөлінген мемлекеттік бюджеттің шығыны 54 есе, орта білімге 12 есе, техникалық-кәсіптік білімге 36 есе, жоғары білімге 20 есеге өсті. Соңғы мұғалімдердің жалақысын өсіру бастамасы жаңартылған мазмұнға көшкен 300 мың ұстазға қатысты болып отыр. Оның ішінде 18 мың мұғалім өзбек, орыс, тәжік және басқа да тілдерде сабақ береді", — деді Сағадиев. 

Министр лауазымдық жалақыны қосымша тағы өсіру үшін мұғалімдердің біліктілік сынағын тапсыруға дайындалып жатқанын айтты. 

"Мұғалімдердің жалақысын қосымша 50 пайызға өсіруге мүмкіндік беретін ұлттық біліктілік  тестін тапсыруға 60 мыңнан астам ұстаз жазылды. Мұндайды біз күтпеген едік. Бұл біздің ұстаздардың қорықпайтынын, олардың өз пәнін толық білетінін көрсетеді", — деп атап өтті Сағадиев. 

Айта кетсек, президенттің тапсырмасы бойынша 2018 жылы білім берудің жаңартылған мазмұнына көшкен мұғалімдердің лауазымдық жалақысы 30 пайызға өсті. Бұл жалпы мұғалімдердің 68 пайызын қамтиды. Ал, біліктілікті айқындайтын тест тапсырғаннан кейін олардың лауазымдық жалақысы қосымша 50 пайызға өспек.

Загрузка...

Басты тақырып