12:32 17 Шілде 2019
Тікелей эфир
  • USD383.01
  • EUR430.12
  • RUB6.10
Құқық қорғау органдарының қызметкері кісенді шешіп жатыр, архивтегі фото

Шымкентте бір отбасын қағып кеткен полицей шартты жазамен құтылды

© Sputnik / Алексей Вовк
Қоғам
Қысқа сілтеме алу
12820

Сотталушы жүргінші жолағынан өтіп бара жатқан отбасын қағып кеткен, салдарынан 1980 жылы туған отағасы сол жерде көз жұмған

АСТАНА, 2 мамыр – Sputnik. Шымкентте ОҚО ІІД Сайрам аудандық ІІБ бұрынғы бөлім басшысы Жандос Оразалиевке қатысты сот үкімі оқылды. 32 жастағы полицейлер әулетінің мүшесі ҚР Қылмыстық кодексінің 345-бабы, 3-бөлігімен, яғни "Жол ережесін бұзып, абайсызда адам өлтіргені" үшін сотталды, деп хабарлады otyrar.kz. 

Сот тергеуі барысында 2017 жылдың 17 тамызында кешкі сағат 19.30-дар шамасында әпкесі М.М.Оразалиеваның атына рәсімделген "БМВ 520" маркалы автокөлікпен өз үйіне, яғни Ақсукентке қарай жол тартқан. Ешқандай рұқсат құжаттарсыз көлік мінген сотталушы №27 мектептің маңында жаяу жүргінші жолағынан өтіп бара жатқан отбасын қағып кеткен.

Салдарынан 1980 жылы туған отағасы сол жерде көз жұмған. 7 жасар ұлы мен әйелі түрлі дене жарақаттарымен ауруханаға жеткізілген болатын. Оразалиевке 2 жыл алты ай бас бостандығынан айыру жазасы кесілді. 4 жыл көлік жүргізу құқығынан айырылды. Тағайындалған жаза шартты. Сот үкімі заңды күшіне енген жоқ.


Загрузка...

Басты тақырып