Қоғам

Сағынтаев көмірге қатысты: былтыр болған келеңсіз жағдай қайталанбасын

© Sputnik / Болат ШайхиновБақытжан Сағынтаев
Бақытжан Сағынтаев - Sputnik Қазақстан
Жазылу
Үкімет басшысы алдағы жылу беру маусымында көмір тапшылығына жол бермес үшін, министрлерге жауапкершілік жүктеді

АСТАНА, 15 мамыр – Sputnik. Премьер-министр Бақытжан Сағынтаев үкімет отырысында алдағы күзгі-қысқы мерзімге дайындықты бастауды тапсырды, деп хабарлайды Sputnik Қазақстан тілшісі. 

"Барлығымыз – орталық жəне жергілікті атқарушы органдар алдағы күзгі қысқы мерзімге дайындықты бастауымыз керек. Энергетика, инвестициялар жəне даму министрліктеріне жылу беру маусымына дайындық кезінде мониторинг жүргізуді тапсырамын. Облыс əкімдері коммуналдық сектор мен əлеуметтік сала нысандарының жоспарланған жөндеу жұмыстарын қамтамасыз етсін", —деді үкімет басшысы.

Көмір - Sputnik Қазақстан
Өңірлер
Оңтүстік Қазақстанда көмір тасушыларға бағаны келісіп сатты деген айып тағылды

Осы орайда Сағынтаев жылу беру маусымында былтырғыдай көмір тапшылығын болдырмауды тапсырды. 

"Былтыр болған келеңсіз жағдайды қайталамауымыз қажет. Оның бəрі қолдан жасалған, біздің бақылауымыздың төмендігінен болған жағдай. Көмір Қазақстанда өте көп өндіріледі, тек өзімізге ғана емес, сыртқа да шығарамыз. Сол себепті құрметті əріптестер, əсіресе, өңірлердегі әріптестер, Қанат Алдабергенұлы (Бозымбаев, энергетика министрі – автор ескертп.), бұған баса назар аударып, тұрақты мониторинг жүргізуді тапсырамын. Тимур Мұратұлы (Сүлейменов, ұлттық экономика министрі – автор ескерт.), көмір бағасының негізсіз өсуі мен алыпсатарлық əрекеттерге жол берілмесін. Бұл мәселе Асқар Ұзақбайұлы (Мамин, премьер-министрдің бірінші орынбасары – автор ескертп.) сіздің бақылауыңызда", — деді премьер-министр.

Жаңалықтар
0