АСТАНА, 5 маусым — Sputnik. Сенат спикері Қасым-Жомарт Тоқаев менингит дертіне байланысты Қазақстанның денсаулық сақтау министрлігі жұмысын сынға алды.
"Менингит жұқпасымен күреске қатысты ахуал өте өрескел. Бейінді министрліктің жайбасарлығы мен шешімсіздігін кешіруге болмайды", — деп жазды Тоқаев парақшасында.
Ситуация с преодолением инфекции менингита неприемлема. Профильное министерство проявляет непростительную медлительность, нерешительность. Депутаты Сената парламента обратятся с запросом в правительство.
— Kassym-JomartTokayev (@TokayevKZ) 5 июня 2018 г.
Оның айтуынша, парламент сенаты депутаттары үкіметке сауал жолдайды.
Бұдан бұрын денсаулық сақтау министрі Елжан Біртанов мәлімдегендей, елде менингит індеті таралған жоқ, тек ауру белең алып тұр. Министрдің сөзіне сүйенсек, менингококк жұқпасы елімізде үнемі туындап тұрады.
Соңғы деректер бойынша, жұқпалы дерт салдарынан 13 адам қаза тапты, бесеуі – 14 жасқа толмаған балалар.
