05:18 18 Қазан 2019
Тікелей эфир
  • USD389.94
  • EUR433.50
  • RUB6.10
Рамазан Әлімқұлов уәдесінде тұрып, алматылық түлекке iPhone сатып алды

Рамазан Әлімқұлов уәдесінде тұрып, алматылық түлекке iPhone сатып алды

© Sputnik / Жания Уранкаева
Қоғам
Қысқа сілтеме алу
281 0 0

Ұлттық тестілеу орталығы бүкіл елге танымал болған Шиара Құдайбергенованы Астанадағы баспасөз конференциясына шақырды

АСТАНА, 26 маусым — Sputnik. Ұлттық тестілеу орталығының директоры Рамазан Әлімқұлов ҰБТ-да ең жоғары балды жинаған алматылық түлекке iPhone сатып алды.

Әлімқұлов биылғы жылдың мамырында ҰБТ-ның он бес жылдық мерейтойы құрметіне алғаш болып ең жоғары балл жинаған түлекке сыйлық жасайтынын мәлімдеген еді. Ұлттық тестілеу орталығының басшысы Алматы қаласындағы №123 мектеп-гимназияның түлегі Шиара Әбдірахымқызы Құдайбергенова Ұлттық бірыңғай тестілеу кезінде ең жоғары 140 балды жинағанын ести сала, уәдесін орындауға асықты, түскі үзіліс кезінде гаджет сатып алуға барды.

ҰБТ-2018: Ерекше шпаргалка жасаған түлек министрліктің қызығушылығын тудырды>> 

"Биыл ең жоғары деңгейге жеткенімізге қуанып отырмыз. Бұл қуанышты күнді өткен жылы тестілеудің жаңа форматы енгізілгеннен бері күтіп жүрген едік. Уәдемді орындап, телефонды сатып алдым, енді сыйлықты тапсыру үшін Шиарамен кездесуді күтеміз", – деді Рамазан Әлімқұлов Sputnik тілшісіне.

  • Ұлттық тестілеу орталығының басшысы ҰБТ-дан 140 балл жинаған түлекке өз атынан сыйлық жасады
    Ұлттық тестілеу орталығының басшысы ҰБТ-дан 140 балл жинаған түлекке өз атынан сыйлық жасады
    © Sputnik / Жания Уранкаева
  • Алматылық Шиара Құдайбергеноваға iPhone сыйға беріледі
    Алматылық Шиара Құдайбергеноваға iPhone сыйға беріледі
    © Sputnik / Жания Уранкаева
1 / 2
© Sputnik / Жания Уранкаева
Ұлттық тестілеу орталығының басшысы ҰБТ-дан 140 балл жинаған түлекке өз атынан сыйлық жасады

Смартфонды тапсыру үшін алматылық түлек Астанадағы қорытынды баспасөз  конференциясына шақырылды. Егер ол елордаға келе алмай қалған жағдайда сыйлықты ұлттық тестілеу қызметкерлері апарып береді.

"Шиараға сәттілік тілеймін. Ол үлкен өмірге қадам басып жатыр. Қажетті мамандықты таңдап, жақсы маман болып шығуына тілектеспін. Ал оның білімі мен тәжірибесі еліміздің дамуына септігін тигізеді деген ойдамын", – деді Рамазан Әлімқұлов.

 Ұлттық бірыңғай тестілеу 20 маусымда басталған. ҰБТ-ны биыл 102 447 түлек тапсырады.

Ақтөбеде ҰБТ қарсаңында "Алтын белгі" иегері мектеп түлегін өлтірді>> 

Загрузка...

Басты тақырып