08:19 23 Тамыз 2019
Тікелей эфир
  • USD386.04
  • EUR427.77
  • RUB5.88
Нұрсұлтан Назарбаев пен Дариға Назарбаева

Ерекше сыйлықтар. Дариға мен Әлия Назарбаевалар әкесіне қандай сый жасады?

© Sputnik / Михаил Воскресенский
Қоғам
Қысқа сілтеме алу
745911

Бүгін Астана күнімен қатар Қазақстан президенті Нұрсұлтан Назарбаевтың туған күні

АСТАНА, 6 шілде – Sputnik, Нұргүл Абай. Бүгін мемлекет басшысы Нұрсұлтан Назарбаев 78 жасқа толды. Осыған орай Sputnik Қазақстан тілшісі Елбасына әр жылдары жасалған ерекше сыйлықтарды еске түсіруді жөн көрді. 

Дариға мен Әлия Назарбаевалардың сыйлығы 

Президенттің қыздарының әкесіне жасаған сыйы Елбасы кітапханасындағы экспонаттардың қатарын толықтырып тұр. Назарбаевтың қос қызы мемлекет басшысына сағаты бар "JAIMA" шатырын тарту еткен. Бірақ қай жылы екені көрсетілмепті. Сыйлық металл, табиғи тастардан жасалған. Шатырдағы барыстардың көздері де бағалы тастан.

Дариға мен Әлия Назарбаевалардың әкесіне сыйға тартқан JAIMA шатыры
© Sputnik / Медина Куракова
Дариға мен Әлия Назарбаевалардың әкесіне сыйға тартқан "JAIMA" шатыры

Бір жақ қырында мынадай өлең жолдары бар: 

"В этот цех угодит, где расплавилось время

Что уж там говорить, — непосильное бремя

Но из сданного в лом предыдущего царства

Всем напастям назло – сотворить государство!

Вот достойный венец!

С днем рождения, отец!"

                                                   Дариға, Әлия 

Дмитрий Медведев өз телефонымен түсірген "Ақорда"  

Ресейдің экс-президенті, қазіргі РФ үкіметінің төрағасы Дмитрий Медведев 2015 жылы Нұрсұлтан Назарбаевтың туған күніне Ақорда бейнеленген картинаны тарту еткен. Бұл суретті Медведев Ақорданың аумағына кірген сәтте өз телефонының камерасына түсіріп алған. Мемлекет басшысы 75 жасқа толған кезде, картина етіп шығарып сыйға тартыпты.

РФ Үкіметінің төрағасы Дмитрий Медведевтің сыйлығы
© Sputnik / Медина Куракова
РФ Үкіметінің төрағасы Дмитрий Медведевтің сыйлығы

"Ер қаруы – бес қару"

Мына суретте бас қаруын асынған қазақ батыры. Мұндағы қару-жарақтың бәрі жан-жақтан топтастырылған. Мәселен, қорамсақтағы жебелер мен садақты 2015 жылы Ресей президенті Владимир Путин тарту еткен. Алайда нақты қай мерекеге арнап сыйға тартқаны көрсетілмепті. Ал қынаптағы қылышты 1996 жылы Елбасының туған күніне Алматы қаласының тұрғындары сыйлаған.

Батырдың қару-жарақтары
© Sputnik / Медина Куракова
Батырдың қару-жарақтары

Семейліктер жасаған сый да Елбасы кітапханасында сақтаулы.

Семей тұрғындарынан
© Sputnik / Медина Куракова
Семей тұрғындарынан

Түрлі делегациялар әр жылдары тарту еткен қару-жарақтың түр-түрі бар. Мәселен, Араб елінің дәстүрлі қанжарлары, жапон самурайларының қаруы, дуэльге арналған тапаншалар, Владимир Путин сыйға берген "кортик", Сербия президенті сыйлаған қылыш және тағы басқа.

Қару-жарақтар топтамасынан
© Sputnik / Медина Куракова
Қару-жарақтар топтамасынан

"Мемлекетті басқаратын әр адам шахмат ойнауы керек". Бұл Нұрсұлтан Назарбаевтың сөзі. Осыдан ба, Елбасының шахмат ойнағанды жақсы көретінін білетін шет мемлекет басшылары оған ерекше стильде жасалған шахмат сыйлауға тырысады екен. Мәселен, Арменияның бұрынғы президенті Серж Саргсян 2010 жылы Назарбаевтың туған күніне дәстүрлі "стаунтондық" шахмат сыйлаған. Қол жұмысы. Ойын фигуралары алтын, табиғи тастардан (жадеит, кохолонг) жасалған.

Бұған қоса, "Ұлы моғолдар әскері" шахматы, Қытай шахматы, Беларусь президенті Лукашенко сыйлаған "Мәскеу түбіндегі "Бородино шайқасы" тақырыбында жасалған шахмат, қазақтың батырлары мен хандары, киіз үй пішінінде жасалған шахмат та бар.

  • Қазақ хандары мен батырлары пішінінде жасалған шахмат
    Қазақ хандары мен батырлары пішінінде жасалған шахмат
    © Sputnik / Медина Куракова
  • Ұлы моғолдар әскері шахматы
    "Ұлы моғолдар әскері" шахматы
    © Sputnik / Медина Куракова
  • Дәстүрлі стаунтондық шахмат
    Дәстүрлі "стаунтондық" шахмат
    © Sputnik / Медина Куракова
1 / 3
© Sputnik / Медина Куракова
Қазақ хандары мен батырлары пішінінде жасалған шахмат

"Акула адам" мен шымкенттік аспаздың Назарбаевқа арнаған рекорды

2007 жылы дағыстандық Ахмет Сурхатилов 67 жасқа толған Нұрсұлтан Назарбаевқа жаңа рекордын арнады. Астана алаңында орнатылған су толы контейнердің ішінде 10 минут 3 секунд болған. Испанияда Сурхатиловты "акула адам" деп атайды екен. Бұған дейінгі Барселонада орнатқан рекорды 7 минутты құраған.

Дәл осы жылы шымкенттік аспаз Жарайр Карапетян да кәуап пісіруден әлемдік рекорд орнатпақшы болып, оны президенттің туған күніне арнады. Аспаз тауық етінен  ұзындығы 67 метр кәуап пісірген, ондағы мақсаты Гиннес рекордтар кітабына кіру болған. Кәуап әзірлеуге шамамен 100 келі тауық еті сатылып алыныпты.  

Шымкенттік аспаз Нұрсұлтан Назарбаевқа телеграммамен әлемдегі ең үлкен кәуапты президенттің туған күні құрметіне әзірлейтіні туралы хабар беріпті. 

Қытайдан оралған екі оралманның сырмағы 

2013 жылы Алматы облысының Текелі қаласында жергілікті тұрғындар ұлттық ою-өрнекпен безендірілген төсеніш жасап шықты. Шеберлер бұл еңбегін Астана күні мен президенттің туған күніне арнаған. 

Қытайдан атажұртына оралған оралмандарға 73 метрлік сырмақты жасау үшін бір отар қойдың жүні кеткен.

Астана велокомандасының сыйлығы
© Sputnik / Медина Куракова
"Астана" велокомандасының сыйлығы

Нұрсұлтан есімді 80 бала президентке ән сыйлады

2016 жылы Шымкентте драма театрдың сахнасында Нұрсұлтан есімді 80 бала Елбасыны туған күні құрметіне ән шырқады. Ән "Нұрсұлтан ата" деп аталды.

Ән орындалып жатқанда, балалардың артындағы үлкен экранда Нұрсұлтан Назарбаевтың өмірі мен жұмысынан үзінділер көрсетілді.

Отанымыздың оң қолы. Мүсіндік композиция
© Sputnik / Медина Куракова
"Отанымыздың оң қолы". Мүсіндік композиция

 

 

 

Тақырып бойынша

Назарбаев Астанадағы ең сүйікті жерін атады
Назарбаев табысты болуының құпиясын ашты
Назарбаев бақыттың кілті неде екенін айтты
Өмір бойғы мәртебе: Назарбаев Конституциялық кеңеске өтініш білдірді
Кілт сөздер:
туған күн, Астананың 20 жылдығы, сыйлық, Әлия Назарбаева, Дариға Назарбаева, Назарбаев, Астана
Загрузка...

Басты тақырып