Қоғам

Сүлеймен: әрбір аудан-ауылдарда халық сайлаған билер болуы керек

© Sputnik / Анатолий УстиненкоАқсақалдар
Ақсақалдар - Sputnik Қазақстан
Жазылу
Жоғарғы сот төрағасының кеңесшісі билер институтын жаңғыртуды ұсынды

АСТАНА, 13 шілде – Sputnik. Жоғарғы сот төрағасының кеңесшісі Сағатбек Сүлеймен Қазақстанда билер институтын жаңғырту қажеттігін айтты, деп хабарлайды Sputnik Қазақстан тілшісі.

Жақып Асанов - Sputnik Қазақстан
Қоғам
Асанов "көп сөйлейтін" спикерлерді тоқтатудың амалын тапты

Сүлеймен билер институтын дауды шешуде балама әдіс ретінде қолдануды ұсынды. 

"Біз заңдарымыздағы әділеттілік, адалдық принциптері, татуласу тәсілдері билер институтынан бастау алғанын әрдайым мақтанышпен айтып келеміз. Елбасымыз жариялаған "Рухани жаңғыру" бағдарламасының негізі де – ұлттық болмысқа оралу. Өзара татуласу, ауыл-үйдің әңгімесін сотқа дейін жеткізбеу мәселесі де – "Рухани жаңғырудың" бір тармағы. Осы орайда әрбір ауылда, ауданда, қалада халық сайлаған билер болуы керек. Олар би атауына,  оның қасиетті мәніне сай болып, халыққа қызмет етпей ме?! Сөйтіп билер институты адамдар арасындағы, отбасы-ошақ қасындағы дауларды шешер еді. Сіз бен біз болып, әкімдермен бірігіп билер институтын қайта жаңғыртсақ. Бастысы, біздің ынтамыз", — деді Сүлеймен республика судьяларының кеңейтілген кеңесінде.

Сот - Sputnik Қазақстан
Қоғам
"Алматы мен Астананың судьялары жылап жүр". Асанов сот жүйесіндегі проблеманы атады

Осы орайда ол билер кеңесін сайлап алған Ашылысай ауылын мысалға келтірді. 

"Ақтөбе облысы, Қарғалы ауданының төрағасы Назира Аманқұлованың бастамасымен Ашылысай ауылының тұрғындары билер кеңесін сайлап алған. Олар ауылда дауларды шешіп қана қоймай, жастарды тәрбиелеуде…Билер сотын енгізуді, сот төрағалары, сіздер қолға алсаңыздар. Әрбір елдімекенде беделі жоғары, сыйлы, елді аузына қарата алатын абыройлы кісілер бар. Соларды алдын ала дайындап, медиация курстарынан өткізіп, би атағын беруге болады. Олар ешбір артық бюрократиясыз, сотсыз, сөздің құдіретімен бітіспей жүрген жұртты ортақ шешімге келтірер еді. Сонда қоғамдағы даукестіктің деңгейі төмендейді, сот жүктемесі азаяды", — деді ол.

Асанов судьяларға: мақтау қағазын алу үшін істеп жүрсіздер ме?

Асанов: сотқа көңілі толмаған жұрт бүкіл мемлекеттік билікке өкпелейді

Жаңалықтар
0