16:43 17 Қазан 2019
Тікелей эфир
  • USD389.81
  • EUR430.27
  • RUB6.06
ақша

Қазақстанда қылмыскерлер өз құрбандарына ақша төлейтін болды

© Sputnik / Болат Шайхинов
Қоғам
Қысқа сілтеме алу
199 0 0

Қазақстанда зорлық-зомбылық қылмыстарының құрбандарына өтемақы төлейтін қор құрылды

АСТАНА, 26 шілде – Sputnik. Қазақстанда қылмыс жасаған адамдардан мәжбүрлі төлемдерді өндіріп алу бойынша норма бірінші шілдеден бастап күшіне енді, деп хабарлайды Бас прокуратураның баспасөз қызметі. 

Қазақстанда алғаш рет жәбірленушілерге қажетті материалдық көмекті жылдам көрсетуге бағытталған институт құрылды. Қордан өтемақы төлеу біржолғы қаржылық төлем түрінде жүзеге асырылады. Бұл ретте, жәбірленушінің кінәлі адамнан толық шығынды өндіріп алу мүмкіндігі сақталады.

Өтемақы зорлық-зомбылық қылмыстарының құрбандарына төленетін болады: 

  • жыныстық зорлық-зомбылық құрбаны болған кәмелетке толмағандарға; 
  •  адам саудасы және азаптаулар құрбаны болғандарға;
  •  денсаулығына ауыр зиян келтірілген немесе АИТВ/ЖИТС жұқтырған адамдарға;
  •  жәбірленуші қайтыс болған жағдайда оның заңды өкілдеріне.

Тізімге қылмыстық кодекстің 46 бабы бойынша 124 қылмыс құрамы енгізілген.

Қылмыс салдарынан материалдық зардап шеккен және ашылмаған қылмыстар бойынша немесе кінәлі тұлға сот төрелігінен жасырынып жүрген жағдайда келтірілген зиянды өндіріп ала алмаған адамдарға қолдау ретінде өтемақы беріледі. 

Заң бойынша қаражат қорда екі жыл бойы, яғни 2020 жылдың 1 шілдесіне дейін жинақталады.

Қордағы түсімнің негізгі көзі – соттың айыптау үкімі шыққан кінәлі тұлғалардан күштеп өндірілген қаражат. 

Бұл тұрғыда биылғы жылдың 1 шілдесінен бастап жасалған барлық қылмыстар бойынша қорға өндіріп алулар басталады. 

Елімізге Грузиядан аса қауіпті қылмыскер жеткізілді

Мәжбүрлі төлемдердің сомасы қылмыстың ауырлығына қарай 5-тен 30-ға дейінгі айлық есептік көрсеткішті құрайды.

Қорды толықтырудың басқа көздеріне процестік бұзушылықтар үшін сот салған өндіріп алулар, сондай-ақ түзеу жұмыстары түріндегі жазаны өтеп жүрген сотталушылардан ұсталатын сомалар жатады.

Қорға жыл сайын 1 миллиард теңгеден астам түседі деп болжанып отыр. 

Тақырып бойынша

Елбасы отыз қылмыс үшін азаматтықтан айыратын заңға қол қойды
Сүйіктісі телефонды көтермеген: Семей тұрғыны жантүршігерлік қылмыс жасады
ОҚО-да жантүршігерлік қылмыс жасаған ер адам бар кінәні әйеліне жапқан
Жантүршігерлік қылмыс жасаған жігіт бір жарым жылға ғана сотталды
Өзбекстаннан келген оралман отбасында жантүршігерлік қылмыс жасалды
Әскери қылмыс үшін айыпталған генерал сотта у ішіп, көз жұмды
Кілт сөздер:
өтемақы, қылмыскер, жәбірленуші, төлем, қылмыс, ақша, Бас прокуратура
Загрузка...

Басты тақырып