01:56 24 Шілде 2019
Тікелей эфир
  • USD384.06
  • EUR429.19
  • RUB6.08
Телефон арқылы сөйлесудің архивтегі фотосы

Астана тұрғыны 700 мың теңгесін алаяқтарға ұстатып жіберген

© Sputnik /
Қоғам
Қысқа сілтеме алу
335 0 0

Полицейлер мол пайдаға кенелесің деген ұсынысқа мұқият болуды ескертті

АСТАНА, 23 тамыз — Sputnik. Астана қаласы ІІД ақшаны жоғары пайызбен қайтаруды ұсынатын алаяқтардың көбейіп кетуіне байланысты дабыл қақты. 

Алдау жолы қарапайым. "Онлайн-әмиянға" ақша аударсаң, белгілі бір уақыттан кейін пайызымен қайтарып аласың деп сендіреді. Ал қажетті қаржыны алғаннан кейін телефондарын сөндіріп тастайды, деп хабарлады Астана қаласы әкімдігінің сайты.

Осы жылдың 20 тамызында қала тұрғыны Астана қаласының бизнес-орталықтарының бірінде белгісіз тұлға алдау арқылы 700 мың теңгесін иемденгені туралы полицияға арызданды (ақша қаражатын айналдырып беремін деген сылтаумен). Аталған факті бойынша ҚР ҚК 190-бабы 2-бөлігіне сәйкес сотқа дейінгі тергеп-тексеру жүргізіліп жатыр. 

Сондай-ақ кредит алуға "көмектесетіндер" де аңқау жұрттың қалтасын қағып жатыр. Ол интернет-ресурстарда хабарландыру орналастырып, "онлайн-кошелек" төлем терминалы арқылы телефонның абоненттік нөміріне кепіл ретінде ақша аударуды сұрайды.

Осылайша, 21 тамызда 27 жастағы қала тұрғыны интернеттен кредит алуға көмек көрсетемін деген жарнаманы оқып, абоненттің ұялы телефонына ақша (15 000 теңге) аударған, алайда содан кейін алаяқтар телефондарын сөндіріп тастаған.

Өскемен қаласының тұрғыны алаяқтардың құрбаны болды 

Алдап ақша жымқырудың кең тараған түрлерінің бірі – тауар сатып алушыдан алдын ала ақша сұрау. Жәбірленуші автобөлшектер сатып алу үшін шотқа алдын ала интернет ресурс арқылы ақша аударған, алайда ақша да, тауар да жоқ.

Аталған барлық фактілер бойынша кешенді жедел-іздестіру шаралары жүргізілуде.  

"Қомақты қаржы ұсынатын мекемелерге мұқият болыңыздар, тіпті мән бермеңіздер, сонда ғана ақша өзіңізде қалады. Тауарға алдын ала төлемеңіздер. Сатушы туралы ақпарат жинаңыз, оның жұмысына қатысты пікірлермен танысыңыз. Курьердің қызметін пайдаланыңыз және ақысын тауарды жеткізгенде ғана төлеңіз!", — деп ескертті Астана қаласы ІІД.

 Шариғат адам баласының сырынан сөз етуге алты мақсатта ғана рұқсат береді

Тақырып бойынша

Павлодарда ардагердің үйіне жылынып алуға кірген әйелдер алаяқ болып шықты
ОҚО-да жұрттан жұмысқа тұрғызамын деп 5 млн теңге жинап алған алаяқ ұсталды
Шымкентте алты адамды тақырға отырғызған алаяқ Астанада ұсталды
Жұртты мұнай компаниясына жұмысқа тұрғызамын деп алдаған алаяқ әйел ұсталды
22 жыл бұрын Ресейге қашып кеткен алаяқ ұсталды
Кілт сөздер:
тауар, пайызсыз несие, алаяқтық, ақша, Астана
Загрузка...

Басты тақырып