07:58 20 Қазан 2018
Тікелей эфир
  • USD366.43
  • EUR420.11
  • RUB5.58
Ақша

Білім министрлігі келесі жылдан бастап кімдердің жалақысы өсетінін айтты

© Sputnik / Владимир Трефилов
Қоғам
Қысқа сілтеме алу
259801

2019 жылдан бастап білім саласындағы шығыстар ұлғаяды

АСТАНА, 9 қазан — Sputnik. 2019 жылдан бастап балабақша меңгерушілерінің, тәрбиешілер мен әдіскерлердің жалақысы өседі. Сондай-ақ мектеп директорлары мен орынбасарларының еңбекақысын көтеру жоспарланып отыр. Бұл туралы бүгін білім және ғылым вице-министрі Бибігүл Асылова мәлімдеді, деп хабарлайды тілшісі.

Асылованың айтуынша, Қазақстан президентінің жолдауында айтылған тапсырмаларды орындау мақсатында 2019 жылдан бастап білім саласына жұмсалатын шығыстар ұлғайтылады. 

"Келесі жылдан бастап 2023 жылға дейін білім саласындағы шығыстар ұлғайтылады. Бізге бөлінетін қаражат аясында 2019 жылдан бастап тәрбиешілердің, әдіскерлер мен балабақша меңгерушілерінің жалақысын өсіру жоспарланып отыр. Бұған қоса, "педагогтардың мәртебесі" туралы заң аясында мектеп директорлары мен олардың орынбасарларының жалақысын көбейту көзделген. Сондай-ақ, ұстаздарды қолдау мақсатында сынып жетекшілігі мен дәптер тексеру бойынша қосымша ақы төленеді", — деді вице-министр үкімет үйінде өткен баспасөз мәслихатында.

Білім және ғылым вице-министрі Эльмира Суханбердиеваның айтуынша, тәрбиешілер, әдіскерлер мен балабақша меңгерушілері үшін 30-дан 50 процентке дейін үстемақы енгізіледі.

"Жергілікті атқарушы органдармен бірлесіп жол картасын әзірледік. Жұмыс тобы құрылуда. Бізде орта мектеп мұғалімдері үшін ұлттық біліктілік тесті дайын. Қазір енді тәрбиешілердің ұлттық біліктілік тестіне кірісеміз. Балабақша тәрбиешілері, әдіскерлер мен балабақша меңгерушілері үшін үстемақы енгізіледі. 30-дан 50 процентке дейін. Ұлттық біліктілік тестінің қорытындысы бойынша еңбекақылары өседі. Осындай ауқымды жұмысты бастап жатырмыз", — деді Суханбердиева.

Тақырып бойынша

"Үздік педагог" байқауының жеңімпазы: Мұғалімдердің жалақысы аз деп айта алмаймын
Мұғалімдердің жалақысы тағы өседі, директорлар тек 4 жылға тағайындалады
Түркістанға көшетін мемлекеттік қызметшілердің жалақысы өседі
Үш минут үзіліс жасаған жұмысшының жалақысы қысқартылды
Қазақстанда имамдардың жалақысы қанша?
Елбасы мұғалімдердің жалақысы 80%-ға өсетінін айтты
2019 жылы 2 миллионнан астам адамның жалақысы өседі – Назарбаев
Кілт сөздер:
үстемақы, вице-министр, ақша, жалақы, мұғалім
Загрузка...

Басты тақырыптар