17:40 10 Желтоқсан 2018
Тікелей эфир
  • USD370.49
  • EUR421.06
  • RUB5.54
Байқоңыр

Байқоңырдағы апат: Ресей Қазақстанның көмегінен бас тартты

© Sputnik / Сергей Мамонтов
Қоғам
Қысқа сілтеме алу
54610

Ғарышкерлер отырған капсула кемеден бөлініп, олар іздестіру шаралары арқылы табылды. Ал кеменің қалған бөліктері әзірге іздестіріліп жатыр

АСТАНА, 11 қазан — Sputnik. "Союз" кемесін ұшыру кезінде болған апаттан кейін Ресей тарапы Қазақстанның көмегінен бас тартты. Бұл туралы ҚР ІІМ төтенше жағдайлар комитетінің төрағасы Владимир Беккер мәлімдеді, деп хабарлайды тілшісі.

Бүгін Байқоңыр ғарыш айлағында апатты жағдай болып, ғарышкерлер өздері отырған капсуланы кемеден бөліп алуға мәжбүр болды. Жағдайдың қалай болғанын толығырақ ҚР ІІМ төтенше жағдайлар комитетінің төрағасы айтып берді.

"Бүгін Байқоңыр ғарыш айлағынан Ресей Федерациясы мен АҚШ басқарып отырған кеме ұшырылуы тиіс болатын. Кемедегінің біреуі NASA ғарышкері еді. Кеме шамамен 14:50-де ұшырылды. Алдын ала мәліметтер бойынша, 12 секундта зымыранның бір бөлігі ажыратылғаннан кейін штабтан тыс жағдай болды. Нәтижесінде экипаж ғарышкерлері өздері отырған капсуланы кемеден бөліп алу шешімін қабылдаған", — деді комитет төрағасы.

Әрі қарай Владимир Беккер капсуламен жерге түскен ғарышкерлердің жағдайы туралы айтты. Сондай-ақ, дәл қазір кеме бөліктерін іздестіру шаралары жүргізіліп жатқаны белгілі болды.

"Ғарышкерлер отырған капсула Жезқазған қаласынан 25 километр қашықтықта түскен. Адамдар тірі және жағдайлары дұрыс. Олар іздестіру жұмыстарының арқасында табылып, Байқоңыр ғарыш айлағына жеткізілді. Ал зымыранның өзге бөліктері қайда құлағаны әзірге белгісіз. Бұған қатысты жергілікті атқарушы органдардан және азаматтардан қандай да бір ақпарат келіп түспеді. Ресей тарапының қолында да осы ақпарат қана бар. Яғни ғарыш кемесінің қалған бөліктерінің тағдыры не болғаны белгісіз", — деді ол.

Сондай-ақ, кеменің қалған бөліктері табылған жағдайда міндетті түрде бұл туралы ақпарат тарататынын айтып өтті. Ұшырылған зымыранда отын ретінде керосин мен оттегі қолданылғанын айтып алдын ала ескертті. ТЖК төрағасы Владимир Беккердің айтуынша, ведомство бөлімшелері кеменің ұшуына бір тәулік қалғанда жоғары деңгейде жұмысқа кіріскен.

"Ресей тарапы кеменің ұшырылуына қатысты кестелерін береді. Кеменің ұшуына 24 сағат қалғанда ұшу трассасында жоғары дайындыққа кірісеміз. Қажет болған жағдайда Қазақстан тарапы Ресей Федерациясына көмектесуге дайын болды. Біз осы мәселені көтердік, алайда Ресей тарапы бұл көмектен бас тартып отыр", — деп мәлімдеді ол.

11 қазанда сағат 14:50-де "Союз" зымыранын ұшыру кезінде апат болды. Ғарышкерлер отырған капсула кемеден бөлініп, олар іздестіру шаралары арқылы табылды. Ал кеменің қалған бөліктерінің дәл қазір қайда екеніне қатысты ақпарат жоқ.

Тақырып бойынша

Жүргізуші әйелі мен ұлын қағып кеткенін білмей, апат орнынан қашып кетті
Қапшағай жолындағы апат: рөлге жармасқан жолаушы қаза тапты
Сенатор Байқоңыр дәрігерлеріне үстемақы төлеуді ұсынды
Сенат Байқоңыр тұрғындарына медициналық көмек көрсету туралы келісімді қабылдады
Кеме аударылып, құтқарушылар судан 200-ден астам мәйіт алып шықты
Танзанияда кеме аударылып, 100-ден астам адам қаза болды
Шахандағы апат: оқ дәрі бөшкесіндегі өмір
Кілт сөздер:
ғарышкерлер, апат, төтенше жағдай, кеме, зымыран, Ресей, Қазақстан
Загрузка...

Басты тақырыптар