22:21 19 Қараша 2018
Тікелей эфир
  • USD367.06
  • EUR416.17
  • RUB5.56
Ақша

Министр жекеменшік балабақша тәрбиешілерінің жалақысы қалай өсетінін түсіндірді

© Sputnik / Болат Шайхинов
Қоғам
Қысқа сілтеме алу
807 0 0

Енді балабақша тәрбиешілері де ұлттық бірыңғай тест тапсыруы мүмкін

АСТАНА, 30 қазан — Sputnik. Жаңа жылдан бастап ең төменгі жалақы мөлшері өскенімен, "Балапан" бағдарламасы бойынша мемлекеттік тапсырысты орындап отырған балабақша тәрбиешілерінің жалақысы сол күйінде қалуы мүмкін. Әлеуметтік-мәдени даму және ғылым комитетінің мүшесі Мұрат Бахтиярұлы мұның үлкен проблема екенін айтып, тәрбиешілер жалақысының өзгеріссіз қалатынына алаңдап отырғанын жеткізді. Білім және ғылым министрі Ерлан Сағадиев өз кезегінде осы бағытта қандай жұмыстар жүргізіліп жатқанына тоқталды, деп хабарлайды тілшісі.

Әлеуметтік-мәдени даму және ғылым комитетінің мүшесі Мұрат Бахтиярұлы "Балапан" бағдарламасы бойынша мемлекеттік тапсырысты орындайтын жекеменшік балабақша тәрбиешілерінің жалақысына алаңдап отырғанын жеткізді. Себебі, 2019 жылдың 1 қаңтарынан бастап ең төменгі жалақы мөлшері 28 284 теңгеден 42 мың теңгеге дейін көтерілсе, тек бюджеттік қызметшілердің жалақысы өсуі мүмкін. Осы орайда, маман ҚР білім және ғылым министрі Ерлан Сағадиевтен бұл мәселенің қалай реттеліп жатқанын сұрады.

"Бұл — үлкен проблема. Осыған қатысты мемлекет қандай жұмыстар жүргізіп жатыр?" — деді ол.

Тағы оқыңыз:

Министр өз кезегінде бұл мәселенің дәл қазір өзекті болып тұрғанын және оған қатысты көптеген жұмыс жүргізіліп жатқанын айтып өтті. Мемлекеттік тапсырысты орындап отырған балабақша тәрбиешілерінің де жалақысы көтеріледі. Тек бұл процесс балабақшаға ата-аналар төлейтін ақшаны көбейту арқылы жүзеге асады. Сондай-ақ, бұған жергілікті бюджетті игеретін әкімшілік атсалысады.

"Балапан" бағдарламасына қатысты осындай мәселе туындап отырғанын түсініп отырмыз. Қазір тәрбиешілердің жалақысын көтеретін болсақ, "Балапан" бағдарламасының бағасын қымбаттатуымызға тура келеді. Мұны жасадық. Қазіргі норма бойынша 19 мың теңге емес, 27 теңге болып отыр. Жалпы әр облыста әртүрлі. Менде бар ақпарат бойынша, 4-5 облыс мұны толық орындап отыр", — деді Ерлан Сағадиев президенттің Қазақстан халқына Жолдауы аясында мектепке дейінгі тәрбиелеу мен оқыту, оның ішінде балалардың ерте дамуына арналған бағдарламалардың бірыңғай стандарттарын енгізу мәселелері бойынша өткізілген отырыс кезінде.

Тағы оқыңыз:

Мұнымен қатар, министр балабақша тәрбиешілерінің жалақысы ұстаздар секілді біліктілігін арттырып, ұлттық бірыңғай тестілеу арқылы анықталатынын айтып өтті. Биыл 1-11-сыныптарға сабақ беретін 60 мың ұстаз ұлттық бірыңғай тест тапсырған. Сондай-ақ, желтоқсан айында өтетін тестке 60 мың мұғалім жазылған.

"Бұл тестілеу механизмге айналды. Педагог өз ісін білетінін көрсетсе, жалақысын көтеруге дайынбыз. Меніңше, 5 жыл көлемінде мектеп ұстаздарының 100%-і ұлттық тестілеуден өтеді деп ойлаймын. Екіншіден, осы жүйе тәрбиешілерге де енгізілмек. Яғни "Біз курс ақшасын төлейміз, ал сен оны өтуің керек". Бұдан кейін жаңа "сүзгіден" өтіп, біліктілігіне байланысты жалақысы 50%-ке дейін көбейеді. Осыны психологтарға да енгізіп жатырмыз. Бұл — халықаралық практика", — деді Ерлан Сағадиев.

Әрі қарай министр бұл мәселенің қазір де талқыланып жатқанын айтып өтті. Яғни бұл жүйенің балабақша тәрбиешілеріне қашаннан бастап енгізілетіні белгісіз. Бұдан өзге Сағадиев жыл сайын әртүрлі білім ордасында мектепке дейінгі білім беру саласында оқығандардың тек 900-і балабақшаға келіп жұмыс істейтініне алаңдайтынын жеткізді. Министрдің айтуынша, 10% — тым аз көрсеткіш.

Тағы оқыңыз:

Дәл қазір Қазақстандағы балабақшаларда 55 мың тәрбиеші жұмыс істейді. Оның 45%-і ғана мектепке дейінгі білім беру саласы бойынша оқыған. Ал республикада мұндай мамандарды даярлайтын 36 колледж бен 36 жоғарғы оқу орны бар. Мұнымен қатар, жыл сайын аталған мамандыққа бөлінетін грант саны көбейіп келеді. 2017 жылы ЖОО-ларға — 270, ал 2018 жылы 500 грант бөлінді. Ал 2017 жылы колледждерге — 5 560 грант, 2018 жылы 7 200 грант берілді.

Тақырып бойынша

Қыркүйекте қазақстандықтардың орташа жалақысы 160 мың теңгеден асқан
Головкиннің жалақысы белгілі болды
Мұғалімдердің жалақысы тағы өседі, директорлар тек 4 жылға тағайындалады
Түркістанға көшетін мемлекеттік қызметшілердің жалақысы өседі
Үш минут үзіліс жасаған жұмысшының жалақысы қысқартылды
Елбасы мұғалімдердің жалақысы 80%-ға өсетінін айтты
2019 жылы 2 миллионнан астам адамның жалақысы өседі – Назарбаев
Кілт сөздер:
министр, балабақша, ақша, жалақы, мұғалім
Загрузка...

Басты тақырыптар