17:36 21 Қараша 2019
Тікелей эфир
  • USD387.37
  • EUR428.55
  • RUB6.06
A320NEO ұшағы

Назарбаев бюджеттік әуе компаниясын құруды тапсырды

© Photo : Пресс-служба "Эйр Астана"
Қоғам
Қысқа сілтеме алу
67 0 0

Мемлекет басшысына британдық модель бойынша ұшу қауіпсіздігі қалай қамтамасыз етілетіні жөнінде баяндалды

АСТАНА, 2 қараша — Sputnik. Мемлекет басшысы Инвестициялар және даму министрі Жеңіс Қасымбекті, "Самұрық-Қазына" акционерлік қоғамы директорлар кеңесінің мүшесі Ричард Эвансты және "Эйр Астана" әуе компаниясының президенті Питер Фостерді қабылдады.

Ақорданың баспасөз қызметі хабарлағандай, кездесу барысында азаматтық авиацияны дамыту мәселелері, сондай-ақ "Эйр Астана" әуе компаниясының қазіргі ахуалы мен алдағы перспективалары талқыланды.

"Эйр Астана" – біздің негізгі әуе тасымалдаушы компаниямыз. Біз оны Ричард Эванспен бірлесе құрдық. Осы жылдар ішінде көп жұмыс атқарылды. Бүгінде компания жақсы қырынан танылып, оң имидж қалыптастырды", – деді Нұрсұлтан Назарбаев.

Кездесуге қатысушылар Қазақстан президентіне әлемдік әуе тасымалы нарығындағы соңғы үрдістер жөнінде айтты. Сонымен қатар, Нұрсұлтан Назарбаевқа ұшу қауіпсіздігін қамтамасыз етуге қатысты азаматтық авиацияны басқарудың британдық моделінің элементтерін енгізу мақсатымен атқарылып жатқан жұмыстар жөнінде баяндалды.    

Инвестициялар және даму министрінің мәліметіне сәйкес, 2018 жылы Қазақстанда 13 бағыт бойынша әуе рейстері ашылып, Астана қаласында "ашық аспан" пилоттық жобасы іске асырылды.

Кездесу соңында мемлекет басшысы әуе тасымалы қызметінің халыққа қол жетімділігін арттырудың маңыздылығын атап өтіп, "Эйр Астана" компаниясының базасында төмендетілген тариф бойынша көлік қызметін көрсететін бюджеттік әуе компаниясын құруды тапсырды.


Тақырып бойынша

Астана әуежайында жолаушылар ұшағы ұшу-қону алабынан шығып кетті
Қазақстанда ұшу қауіпсіздігін бақылайтын жаңа ұлттық компания құрылады
Оралда ұшақтың шассисіз қонуынан кейін ұшу-қону алаңы зақымданған жоқ
Кілт сөздер:
тарифтер, әуе компаниясы, Назарбаев, Қазақстан
Загрузка...

Басты тақырып