Қоғам

Әлия Назарбава, Ақан Сатаев, Әділ Ахметов. Мемлекеттік сыйлықты кімдер алды?

© Sputnik / Владислав ВодневАқорда ғимараты
Ақорда ғимараты - Sputnik Қазақстан
Жазылу
2018 жылғы әдебиет пен өнер саласындағы мемлекеттік сыйлықтың иегерлері анықталды

АСТАНА, 7 желтоқсан — Sputnik. Мемлекет басшысы Нұрсұлтан Назарбаев Қазақстан Республикасының 2018 жылғы әдебиет пен өнер саласындағы мемлекеттік сыйлығын беру туралы жарлыққа қол қойды, деп хабарлады Ақорданың баспасөз қызметі.   

Президент Қазақстан Республикасының әдебиет пен өнер саласындағы мемлекеттік сыйлығын беру жөніндегі комиссияның ұсынымдарын қарап, қаулы шығарды:

Гүлшара Әбідқалықова - Sputnik Қазақстан
Қоғам
Мемлекеттік хатшы "Тұмар" сыйлығын тапсыру рәсіміне қатысты

1) ақын Тыныштықбек Әбдікәкімовке – "Алқоңыр дүние" өлеңдер мен балладалар  жинағы үшін;

2) авторлар ұжымына: Төлеубек Нығметұлы Әлпиевке, Алан Асқарұлы Бөрібаевқа, Сүндет Әбдірахманұлы Байғожинге, "Астана Опера" мемлекеттік опера және балет театры" коммерциялық емес акционерлік қоғамының шығармашылық ұжымына қатысушыларға – "Абай" операсы (Л. Хамиди, А. Жұбанов) үшін;

3) авторлар ұжымына: Ақан Қарғамбайұлы Сатаевқа, Әлия Нұрсұлтанқызы Назарбаеваға, Тимур Қазбекұлы Жақсылықовқа, Алтынай Бауыржанқызы Нөгербекке, Әділ Ералыұлы Ахметовке – "Анаға апарар жол" толықметрлі көркем фильмі үшін;

4) ақын Ақұштап Бақтыгерейқызы Бақтыгерееваға – "Ана сыры" өлеңдер мен балладалар жинағы үшін;

5) ақын Өтеген Оралбайұлы Оралбаевқа – "Шуақты шақ" жыр жинағы үшін берілсін.

Жарлық ресми жарияланған күнінен бастап қолданысқа енгізіледі.


Жаңалықтар
0