Қоғам

Ғалымдар кофенің тағы бір пайдасын анықтады

CC0 / / Кофе
Кофе - Sputnik Қазақстан
Жазылу
Адамды сергітетін сусынның құрамында кездесетін заттар ми мен жүйке жүйесінің кей дерттеріне қарсы тұра алады

АСТАНА, 13 желтоқсан — Sputnik. Ратгер университетінің дәрігер ғалымдары анықтағандай, кофеин мен кофе құрамында кездесетін тағы бір зат жұптасып Паркинсон ауруы мен Леви денешігі деменциясының (ақыл-ес кемдігі) алдын алуға және одан емдеуге септігін тигізеді, деп хабарлайды MedicalXpress.

Порталдың мәліметіне сүйенсек, зерттеушілер кофе дәндерінің құрамында кездесетін серотонин затынан пайда болған эйкозаноил-5-гидрокситриптамидтің Паркинсон ауруына шалдыққан және жүйкесі зақымдалған ағзаға әсерін зерттепті.

Кофе - Sputnik Қазақстан
Қоғам
Кофе аса қауіпті аурудың алдын алады

Ғалымдар қорытындысына сәйкес бұл қосылыс пен кофеин мида қауіпті нәруыздардың жиналуынан сақтайды. Яғни кофе ішу ми дерттерінің алдын алады.

Бір қызығы, бұл екі зат жұптасқанда ғана емдік қасиетке ие болады, жекелей алғанда дертке қарсы ешқандай әсері жоқ.

Паркинсон ауруы – жүйке жүйесінің дерті, оның салдарынан қимыл-қозғалыс баяулап, бұлшықеттердің тонусы азаяды.

Леви денешігі деменциясы – психотикалық кемістік, вегетативті қызметтің бұзылуы. Екі дерт те негізінен қартайған кезде пайда болады.

Жаңалықтар
0