10:24 16 Қаңтар 2019
Тікелей эфир
  • USD377.85
  • EUR432.00
  • RUB5.63
Денис Теннің қазасы

Президент Денис Теннің өлімін тергеуге қатысты: халық полиция мен сотқа наразы

© Sputnik / Тимур Батыршин
Қоғам
Қысқа сілтеме алу
Денис Теннің қазасы (94)
858 0 0

Мемлекет басшысы халықты полицейлерге қолдау білдіруге шақырды

АСТАНА, 28 желтоқсан — Sputnik. Батыста полиция академиялары 5-6 ай ғана оқытады. Ал Қазақстанда полицейлерді 5 жыл дайындаса да, еш пайда жоқ. Сол себепті жуырда елімізде де жарты жыл оқытатын академиялар ашылады.  Бұл туралы президент жыл қорытындысы бойынша еліміздің бұқаралық ақпарат құралдары өкілдерімен өткен кездесуде айтты, деп хабарлайды Sputnik Қазақстан тілшісі.

"Сауалнама жүргізіп, халықтың құқық қорғау органдарына наразылығы барын анықтадық. Бұл сауалнаманы жақсы жауап алу үшін емес, қоғамда не болып жатқанын білу үшін жүргіздік. Әсіресе, осы сауалнамаларда біздің спортшы Денис Тенге қатысты жағдай туралы көп айтылған екен. Өкінішке орай, күн сайын 10-15 адам көз жұмады. Дениспен болған жағдай халық арасында резонанс тудырды. Қазір қылмыс жасағандарға қатысты сот өтіп жатыр. Жалпы, бұл жағдайдан тыс та халықтың полиция мен сот органдарына наразылығы бар. Сол себепті осыларды бақылауға алдым. Полициямен бірге маңызды жұмыстар жүргізуіміз керек", — деді Назарбаев. 

Мұнымен қатар, Елбасы полицияның жағымды образ қалыптастыратын уақыты келгенін айтты. Бұл үшін шенеуніктерді қысқартып, үнемделген ақшаны полицейлердің жалақысын көтеру үшін жұмсамақ. Сондай-ақ, Нұрсұлтан Назарбаев шетелде полицейлерді оқытудағы артықшылықтарға тоқталды. 

"Батыста полиция академиясында жарты жыл ғана оқытады. Ал бізде бес жыл оқытса да, бұдан пайда жоқ. Алдағы уақытта бізде де – 5-6 ай оқытып, атақ беретін академиялар ашылады. Әрі қарай полицейлер жұмыс істеуге кетеді. Көптеген заң саласында оқып жүрген студенттерді осы академияларға тартуға болатын еді", — деді Елбасы. 

Бұдан өзге мемлекет басшысы академияда оқитындардың жоғары жалақымен және үймен қамтылатынын айтып өтті. Биыл қылмыскерлермен күресте 779 полицейдің көз жұмғанын еске алып, халықты полицейлерге қолдау білдіруге шақырды.

Тақырып:
Денис Теннің қазасы (94)

Тақырып бойынша

Қасымов полицейлерді қандай өзгерістер күтіп тұрғанын айтты
Назарбаев Қасымов туралы: Ол адал да адамгершілігі мол жан
Қасымов Теннің өлімінен кейінгі үш күнді қалай өткізгенін айтып берді
Қасымов "отставкаға кетесіз бе?" деген сұраққа жауап берді
Кілт сөздер:
тергеу, сот, полиция, Денис Тен, Нұрсұлтан Назарбаев
Загрузка...

Басты тақырыптар