03:53 13 Желтоқсан 2019
Тікелей эфир
  • USD384.63
  • EUR427.98
  • RUB6.08
Денис Теннің өліміне күдікті

"Өлтірген жоқпыз" - Денис Теннің өліміне күдіктілер сотта жауап берді

© Sputnik / Тимур Батыршин
Қоғам
Қысқа сілтеме алу
Денис Теннің қазасы (101)
1133 0 0

Үш күдікті де спортшыны өлтіргенін мойындамады

АЛМАТЫ, 3 қаңтар — Sputnik. Алматыда қылмыстық істер жөніндегі мамандандырылған ауданаралық сотта қазақстандық мәнерлеп сырғанаушы Денис Теннің өліміне қатысты сот отырысы өтіп жатыр, деп хабарлайды тілшісі сот залынан. 

Күдіктілер отырысқа кешіктіріліп жеткізілді, сондықтан сот кешірек басталды. 

Судья журналистерге залда отыруға рұқсат бермеді. БАҚ өкілдері үшін басқа бөлмеде тікелей трансляция ұйымдастырылды. 

Отырыста сотталушы Арман Құдайбергенов ұрлық жасағанын мойындады, бірақ ол Денис Тенді өлтіруді жоспарламағанын алға тартты. 

"Мен ұрлық жасағанымды мойындаймын. Қарақшылық пен адам өлтіру қылмысын жасау ойымда болған жоқ. Жаңқабаев пен Шəмшиевтің, Теннің айнасын алғанымды мойындаймын",- деді Құдайбергенов. 

Қиясов өз қылмысын мойындаған жоқ. 

"Мен айыпты мойындамаймын, өлтірген жоқпын, ұрлаған жоқпын", — деді Қиясов.

Ал үшінші күдікті Жанар Толыбаева өзіне айып тағылып отырған баптарды ауыстыруды өтінді. Оның айтуынша, қылмысқа бара жатқанын білмеген. 

"434-бапты да мойындамаймын. Себебі, мен пышақ салып жатқанын көрген жоқпын",- деді Толыбаева.

Денис Теннің өліміне қатысты іс бойынша алғашқы сот отырысы 25 желтоқсанда өткен еді. Сот алдына үш адам келді — Нұралы Қиясов, Арман Құдайбергенов және Жанар Толыбаева. Отырыста күдікті әйелдің аяғы ауыр екені белгілі болды.

Отырыста жәбірленуші тараптың адвокаты Нұрлан Өстеміров Денис Тен тапсырыспен өлтірілді деп мәлімдеп, соттан істі қосымша тергеуге жіберуді сұраған болатын. Бірақ судья істі қайта тергеуге жіберудің қажеті жоқ деп шешті. 

Бұдан бөлек, Теннің отбасының қорғаушысы спортшының өліміне себеп болған айна ұрланған сәтті екі полицейдің көруі мүмкін екенін айтты.

Денис Теннің қазасы

Биыл шілденің 19-ында тапа-тал түсте Алматының қақ ортасында мәнерлеп сырғанаушы, Сочи Олимпиадасының қола жүлдегері Денис Тенді көлік ұрылары пышақтап кетті. 

Денис тұрақта тұрған көлігінің айнасын ұрламақ болған екі қаскөйдің үстінен түседі. Арада төбелес басталып, ұрылардың бірі спортшыны пышақпен жарақаттайды. Көп қан жоғалтқан спортшының өміріне дәрігерлер араша түсе алмады. 

Аталған фактіге қатысты қылмыстық іс қозғалды. Денис Теннің өліміне қатысы бар деген күдікпен үш азамат ұсталды. Олар Жамбыл облысының тумасы 24 жастағы Нұралы Қиясов, Қызылорда облысының 1994 жылғы тумасы Арман Құдайбергенов және Жанар Толыбаева. Әйел қылмыс жасалғанын хабарламағаны үшін қамауға алынды.

Тақырып:
Денис Теннің қазасы (101)

Тақырып бойынша

Президент Денис Теннің өлімін тергеуге қатысты: халық полиция мен сотқа наразы
Денис Теннің қазасы: сотта жәбірленуші тарап спортшының тапсырыспен өлтірілгенін айтты
Алматыда Денис Теннің өлімі бойынша сот басталды
Министр Алматыдағы аренаға неге Денис Теннің есімі берілмей жатқанын түсіндірді
Сот Денис Теннің өліміне күдіктілерге қатысты шешім қабылдады
Денис Теннің жақындары қазақстандықтарға өтініш айтты
Кілт сөздер:
сот, Жанар Толыбаева, Нұралы Қиясов, Арман Құдайбергенов, Денис Тен
Загрузка...

Басты тақырып