15:31 19 Маусым 2019
Тікелей эфир
  • USD383.69
  • EUR429.08
  • RUB5.97
Подавленный человек

Қарағандыдағы төбелес: қашқын Армения азаматына қатысты тың ақпарат шықты

CC0
Қоғам
Қысқа сілтеме алу
15651 0 0

Халықаралық іздеу жарияланған Армения азаматы Ресейде туыстарының үйінде болған

АСТАНА, 10 қаңтар — Sputnik. Қарағандыда мейрамхана жанындағы жаппай төбелес және кісі өлімі туралы іс бойынша күдікті полицияға өзі берілген. Нарек Гурурянның қалай ұсталғанын Арменияның Ресейдегі елшілігі айтып берді.

Халықаралық іздеу жарияланған Армения азаматы Ресейде туыстарының үйінде болған.  

"Гурурян кешке Омбы қаласының құқық қорғау органдарына өзі келді", — деп Sputnik Армения елшіліктің түсініктемесінен үзінді келтірген.

Еске сала кетсек, бүкіл елді шулатқан оқиға 31 желтоқсаннан 1 қаңтарға қараған түні таңғы төрттер шамасында Қарағандыдағы "Древний Рим" мейрамханасында болды.

Мейрамханаға Жаңа жылды қарсы алуға келгендер мен персонал арасында жанжал шығып, соңы жаппай төбелеске ұласқан. Салдарынан төрт адам пышақ жарақатын алды, бір жас жігіт көз жұмды. 

Полиция бұзақылық әрекеттері үшін және 23 жастағы жігіттің өліміне күдікті ретінде 8 адамды ұстап, қамады. Күдіктілердің бірі Армения азаматы Нарек Гурурянға халықаралық іздеу жарияланды. Ол 1 қаңтар күні кешкі 22.00-ден кейін Павлодар облысындағы бекет арқылы Ресей аумағына өтіп кеткен. 

7 қаңтар күні 21 жастағы күдікті желіде бейнеүндеу жариялады. Онда Гурурян Қазақстан билігіне берілуге дайын екенін мәлімдеп, адам өліміне қатысы барын жоққа шығарды.


Тақырып бойынша

Қарағандыда жаңажылдық отырыстардың бірі кісі өлімімен аяқталды
Қарағандыдағы қанды оқиғадан кейін ҚР ІІМ басшысы мен Армения елшісі кездесті
Депутаттар Қарағандыдағы төбелесте көз жұмған жігіттің отбасына көңіл айтты
Қарағандыдағы төбелес: Күдіктілер арасында Армения азаматтары да бар
Кілт сөздер:
қанды оқиға, төбелес, Армения, Қарағанды
Загрузка...

Басты тақырып