22:54 24 Тамыз 2019
Тікелей эфир
  • USD386.34
  • EUR427.25
  • RUB5.88
Неке қию рәсімі

Енді қазақстандықтар үш күнде үйлене алады

CC0 / Elkimmelito
Қоғам
Қысқа сілтеме алу
619 0 0

Ақпарат және коммуникациялар министрлігі осы жылдың көктемінен бастап небәрі үш күнде некелесуге болатынын айтты

АСТАНА, 15 қаңтар — Sputnik. Қазақстанда неке қиюды тіркеу рәсімі қысқарады. Бұл туралы үкіметтің биылғы жылдағы алғашқы отырысында ақпарат және коммуникациялар министрі Дәурен Абаев айтты, деп хабарлайды  тілшісі. 

Ақпарат және коммуникациялар министрлігі 43 заң мен он кодекске 500 түзету енгізуді көздейтін заң жобасын әзірледі. Абаевтың айтуынша, құжатта үкімет жанындағы ведомствоаралық комиссияның ұсынысы аясында 121 мемлекеттік қызмет түрін оңтайландыру үшін қажетті түзетулер бар. 

"Неке қиюды тіркеу қызметін оңтайландыру арқылы оның мерзімін бір айдан үш жұмыс күніне дейін қысқартуға болады. Сондай-ақ, өтініш жазған күннен бастап екі ай неке қиюды тіркеу күнін таңдауға мүмкіндік беріледі", — деді Абаев.

Түзетулер салық төлеушілердің артық төлеген сомасын автоматты түрде қайтаруды қарастырады. Бұдан өзге мемлекеттік қызметті бір ғана нормативтік акті — ережелер бойынша көрсетуді көздейді.

Тағы оқыңыз:

"Өзгерістер осы жылы енгізілетін болады. Көктемде деген ойдамын", — деп жауап берді Дәурен Абаев үкімет басшысы Бақытжан Сағынтаевтың сұрағына.

Бүгінде 741 мемлекеттік қызмет түрі бар. Абаев баяндамасында олардың ішінде 454-і немесе 61%-і электронды түрде қолжетімді екенін айтты. Сондай-ақ, ол автоматтандыру жұмыстарын толыққанды жүргізу үшін халықтың цифрлық сауаттылығын көтерудің маңызды екеніне тоқталды.

"Өткен жылы халыққа қызмет көрсету орталығы арқылы он миллионнан астам мекенжай анықтамасы берілді. Алайда оларды электронды үкімет порталынан электронды-цифрлық қолтаңбасыз, бір реттік құпия сөздің немесе смартфондағы телеграм-бот арқылы алуға болады", — деді ақпарат және коммуникациялар министрі.

Сондай-ақ, ол бүгінгі таңда қазақстандықтардың 64%-інің интернетке смартфон арқылы кіретінін және М-Gov электронды үкімет қосымшасын дамыту осы саладағы басты бағыт екеніне назар аударды.

Үкімет басшысы ақпарат және коммуникациялар министрлігінің жақсы жұмыс істегенімен, халыққа түсіндіру жұмыстарын дұрыс жүргізбей отырғанын айтып өтті. Қазақстан Республикасының президенті Нұрсұлтан Назарбаев 2020 жылға дейін мемлекеттік қызметтердің 90%-ін электронды форматқа көшіруді тапсырған болатын.

Тақырып бойынша

Алматының тергеу абақтысында электронды кезек пайда болады
Министр: бүкіл әлем электронды визаға көшкенде, Қазақстан әлі қолмен қағаз толтырады
Алматыда балабақшаға электронды кезекке қалай тұруға болады?
Қазақстанда электронды кеден іске қосылды
Бекешев: Кеден кодексінің маңызды қосымшасы – электронды декларациялау
Сағынтаев мемқызметтерді электронды форматқа ауыстыруды жеделдетуді тапсырды
Сағадиев: оқушы туралы бүкіл ақпарат электронды түрде сақталатын болады
Кілт сөздер:
үйлену тойы, неке қию, онлайн тіркелу, электрондық үкімет, үкімет, Бақытжан Сағынтаев, Дәурен Абаев, Қазақстан
Загрузка...

Басты тақырып