08:03 18 Ақпан 2019
Тікелей эфир
  • USD377.62
  • EUR426.03
  • RUB5.67
Ержан Сәлімгереев

"Мәңгі сақталады" Аяқ-қолынан айырылған чемпион Назарбаевқа арманын жеткізді

© Sputnik / Владислав Воднев
Қоғам
Қысқа сілтеме алу
923 0 0

Ержан Сәлімгереев – суда жүзуден әлем кубогының төрт дүркін иегері, Азия ойындарының екі мәрте жеңімпазы

АСТАНА, 13 ақпан – Sputnik. Астанада Қазақстан президенті Нұрсұлтан Назарбаев "100 жаңа есім" жобасының жеңімпаздарымен кездесті, деп хабарлайды Sputnik Қазақстан тілшісі.

Бүгін "Қазақстанның 100 жаңа есімі" жобасының екінші кезеңі қорытындыланды. Жеңімпаздар қатарында бір қол, бір аяғынан айырылған спортшы Ержан Сәлімгереев те бар.

29 жастағы Ержан – суда жүзуден Қазақстан ұлттық құрамасының мүшесі, Әлем кубогының төрт дүркін иегері, Азия ойындарының екі мәрте жеңімпазы. Үшінші сыныпта оқып жүргенде, трансформатор ішіне кіріп тоққа түсіп қалған.

"Спорт менің өмірімді түбегейлі өзгертті. Қайсар мінезімнің арқасында ешқандай қиыншылыққа қарамай, алдыма мақсат қойып, күніне екі сағат жаттығып, үлкен жетістіктерге жеттім. Индонезияның Джакарта қаласында өткен жазғы Азия пара ойындарында қос алтын медаль еншіледім. 50 метрді 31 секундта, ал 100 метрді 1 минут 8 секундта бағындырдым. Бұл менің жеке рекордым", - деді чемпион кездесу кезінде.

Назарбаев теннисші Зарина Диясқа сыйлаған сағат қанша тұрады?

Спортшы Қазақстан президентіне өзінің ендігі арманы туралы айтты.

"Құрметті Елбасы, осы сәт менің жадымда мәңгі сақталады. Өзіңіз үнемі айтып жүретіндей, адам өзін-өзі тәрбиелеп, алдына мақсат қойса, алынбайтын қамал жоқ. Осы сөз бәріміздің жадымызда болуы керек деп ойлаймын. Ендігі менің арманым – туған өлкем Еркінқала ауылында спорттық нысан салып, болашақ чемпиондарды тәрбиелеу", - деді Сәлімгереев.

Сондай-ақ, ол Жапонияның Токио қаласында өтетін жазғы Параолимпиада ойындарында еліміздің көк байрағын әлемге танытуға күш салатынын атап өтті.

Қазақстандық спортшы әлем чемпионы атанды

Айта кетсек, "Рухани жаңғыру" бағдарламасы аясында "Қазақстанның 100 жаңа есімі" жобасының екінші кезеңі жүзеге асты. Жобаға 2388 өтінім түскен. Сарапшылар тобы жоба талаптарына сәйкес келесі кезеңге өтетін 200 кандидатты іріктеді. Соңғы онлайн дауыс беру арқылы жобаның 29 жеңімпазы анықталды.

Назарбаев көпбалалы отбасыларға қолдауды күшейтуге тапсырма берді

Тақырып бойынша

Паралимпиада: қазақстандық шаңғышы тарихта алғаш рет алтын жүлде иеленді
Паралимпиада-2018: жеңімпаздар жүлдесі үшін қанша сыйақы алады?
Қазір адамдар жанымнан дұға оқымай өтеді – сал ауруын жеңген қыздың әңгімесі
Паралимпиада чемпионы 250 мың долларды қайда жұмсайды?
Гүл мен сэлфи: қазақстандық паралимпиадашыларды әуежайда қалай қарсы алды?
Кілт сөздер:
жүзуші, чемпион, Назарбаев
Загрузка...

Басты тақырыптар