08:31 18 Ақпан 2019
Тікелей эфир
  • USD377.62
  • EUR426.03
  • RUB5.67
Дариға Назарбаева

Дариға Назарбаева: журналистердің аузын жабуға болмайды

© Sputnik / Болат Шайхинов
Қоғам
Қысқа сілтеме алу
697 0 0

Қазақстанда журналистерді іс-шараларға аккредитациялау ережелері қатаңдатылуы мүмкін

АСТАНА, 14 ақпан – Sputnik. Сенат депутаты Дариға Назарбаева Қазақстан журналистері конгресі атқару комитетінің төрайымы ретінде күні кеше ғана БАҚ өкілдерін аккредитациялауға қатысты шыққан бұйрықпен танысып, егжей-тегжей зерттеуге уәде берді, деп хабарлайды Sputnik Қазақстан тілшісі.

"Қазіргі заманда журналистердің аузын жабуға болмайды. Қазір интернет арқылы өз ой-пікірін ашық айтуға мүмкіндік бар. Журналистер әрқашанда елдің қамын ойлайды, халықтың мұң-мұқтажын үкіметке жеткізеді. Бұл жағынан журналистердің рөлі өте маңызды", - деді Назарбаева сенат кулуарында.

Сенатор бүгінгі таңда елімізге мықты журналистік қоғам керек екенін атап өтті.

"Журналистер одағы деген бар, бірақ оның атын да естімейміз, не істеп жатқанынан да бейхабармыз. Өз салаларыңа қатысты заң жобасы қаралып, талқыланып жатқанда, ой-пікірлеріңді айтып, үкіметпен бірге жұмыс істеп, күресе білу керек. Өкінішке қарай, журналистік қоғам бұл мәселелерде белсенді емес", - деді Назарбаева.

Назарбаева үздік ұстаздарға 2,4 миллион теңге табыстады

Оның айтуынша, Қазақстанда БАҚ саласы өте қатты реттелген.

"Менің ойымша, түптің түбінде бұл дәстүрлі бұқаралық ақпарат құралдарының бірте-бірте жойылуына әкеп соғады. Қазір телеарналар мен газеттерге оңай емес, өмір сүруі қиындап жатыр, барлық жағынан пайда көріп отырған интернет. Интернетте ешкімнің аузын жаба алмайсың. Бұл үлкен басымдық. Журналистер өздері балама заң жобасын әзірлеп, сол бастамамен шығуы керек", - деп кеңес берді Назарбаева.

Сенатордың пікірінше, парламент қабырғасында жүрген әрбір депутат журналистерге көмектесуге дайын.

"Әрбір депутат, оның қай комитетке екеніне қарамастан, ең біріншіден, Қазақстан азаматы ретінде елінің қамын ойлауға ант берген. Сондықтан олар әрқашанда сіздерге көмектесуге дайын деп сенемін", - деп қорытты сөзін ол.

Айта кетсек, кеше отандық БАҚ беттерінде журнаистерді шараларға аккредитациялау ережелері қатаңдатылуы мүмкін деген ақпарат шықты. Ақпарат және коммуникациялар министрлігі ұсынған бұйрық жобасы журналистердің наразылығын тудырып, қызу талқыға түскен болатын.

Назарбаева салықшылардың әрекетіне ашуланды

Құжатта айтылғандай, енді журналисті қандай да бір шараға тіркеген кезде, олардан еңбек келісімшарттының көшірмесі де талап етіледі.

Тақырып бойынша

Назарбаева мұғалімдер мен дәрігерлер үшін тұрғын үй бағдарламасын әзірлеуді ұсынды
Дариға Назарбаева: біз араб емес, қазақпыз
Дариға Назарбаева: мектеп асханасында той жасайтындар ақы төлеуі тиіс
Дариға Назарбаева Қазақстанда білім басқармаларын жабуды ұсынды
Әлия Назарбаева туралы не білеміз?
Кілт сөздер:
БАҚ, Дариға Назарбаева
Загрузка...

Басты тақырыптар