22:07 15 Қазан 2019
Тікелей эфир
  • USD389.62
  • EUR429.98
  • RUB6.06
9-сынып оқушысы Дамир Бозаев штаттан тыс кеңесші атанды

"Хайп үшін емес": шенеунік 15 жастағы баланы неге кеңесші етіп алғанын түсіндірді

© Photo : Департамент Агентства РК по делам государственной службы и противодействию коррупции по Кызылординской области
Қоғам
Қысқа сілтеме алу
519 0 0

Қызылордалық шенеунік балаларды жемқорлыққа қарсы тәрбиелеу шараларын қызықты әрі сапалы етуді қолға алды

ҚЫЗЫЛОРДА, 5 наурыз — Sputnik. Қызылорда облысы бойынша жемқорлыққа қарсы департаменттің басшысы Абзал Мухимов Sputnik Қазақстан агенттігіне 15 жастағы оқушыны неге кеңесші етіп тағайындағанын түсіндірді.

1 наурызда Қызылордада 15 жастағы Дамир Бозаев мемлекеттік қызмет істері және жемқорлыққа қарсы іс-қимыл агенттігінің департамент басшысының штаттан тыс кеңесшісі болып тағайындалды. Басылымдардың көпшілігі Дамирді Қазақстандағы ең жас шенеунік деп атаған.

Абзал Мухимов Sputnik Қазақстан агенттігіне айтқандай, оқушы департаментке қоғамдық жұмыс ретінде көмектесетін болады, сондықтан жалақы алмайды.

2019 жыл - Жастар жылы

"Ол, әрине, мемлекеттік қызметші емес, жасы жеткен жоқ қой. Біз Дамирге қолқа салып, сабақтан тыс уақыты болғанда менің кеңесшім болуды өтіндік – жасөспірімдердің айналасына деген көзқарасы қандай, қазіргі оқушыларға не қажет екенін білгіміз келеді", - деп түсіндірді Мухимов.

Департамент қызметкерлері балалар мен жастарға жемқорлыққа қарсы тәрбие берумен айналысып жатыр, бұл жұмыс тиімді болуы үшін кей жайттарға жасөспірімнің көзімен қарау қажет. Осындай сәтте Дамирдің пікірі өте маңызды, деп санайды Мухимов.

Департаменттің алға қойған мақсаты – оқушылармен жұмыс істегенде ізденімпаздық пен жаңашылдық таныту.

"Балалар арасында керексіз, қызықсыз шаралар өткізгіміз келмейді, бәрін олардың қызығушылығына қарай ұйымдастыратын боламыз, - деп атап өтті Абзал Мухимов. – Қазір жастарға қызықты болу үшін Наурыз мейрамын қалай тойлау керектігі туралы Дамир Бозаевпен ақылдасқым келеді. "Скаут" жастар қозғалысына қолдау көрсету де ойымызда бар".

Желіде жүрген көптеген пікірге сүйенсек, Дамир Бозаевты департамент басшысы пиар үшін тағайындап отыр, ал оқушының өзі – байдың баласы.

Жеті жасар жеткіншек ең жас миллионер болды

"Шыны керек, бұл сөз ауыр тиді. Негізінде бұл хайп немесе атаққұмарлық емес. Оқушы-кеңесшінің неге керектігін айттым. Дамир қарапайым отбасыдан шыққан, қала шетіндегі Тасбөгет ауылында орта мектепте оқиды. Ақылды бала", - деп Мухимов сөзін түйіндеді.

Тақырып бойынша

Астанада мектепке "бомба қойған" 15 жастағы оқушы ұсталды
Қарағандылық оқушы қыз елге белгілі ақынды намысыма тиді деп айыптады
Назарбаевтың батасын алған оқушы Американың үздік университетіне оқуға түсті
Оқушы мұғалімді тығырыққа тіреп, танымал болып шыға келді
Кілт сөздер:
оқушы, шенеунік, Мемлекеттік қызмет істері және сыбайлас жемқорлыққа қарсы іс-қимыл агенттігі, Қызылорда облысы
Загрузка...

Басты тақырып