22:10 20 Шілде 2019
Тікелей эфир
  • USD384.87
  • EUR432.52
  • RUB6.11
Цветочный букет

Сағынтаев Елбасының атынан әйелдер қауымын 8 наурызбен құттықтады

© Sputnik / Владислав Воднев
Қоғам
Қысқа сілтеме алу
63 0 0

Барша қазақстандық аналарға жан-жақты қолдау көрсетіп, қамқорлық жасау – ер-азаматтардың борышы, делінген құттықтау сөзде

АСТАНА, 7 наурыз – Sputnik. Қазақстан Республикасының мемлекеттік хатшысы Бақытжан Сағынтаев Халықаралық әйелдер күніне арналған "Әлемнің жарығы"атты мерекелік концертке барды.

Мемлекеттік хатшы концерт алдында Қазақстан президенті Нұрсұлтан Назарбаевтың атынан еліміздегі әйелдер қауымын Халықаралық 8 наурыз мерекесімен құттықтады, деп хабарлады Ақорданың баспасөз қызметі.

Бақытжан Сағынтаев мемлекет басшысының құттықтау сөзінде қоғам өміріндегі және мемлекетті дамыту ісіндегі әйелдердің рөлі айрықша аталып өткені туралы айтты.

"Сіздер елдіктің жүгін ер-азаматтармен бірдей арқалап, сан түрлі салада табысты еңбек етіп, мемлекетімізді нығайтуға, елдігімізді баянды етуге бірегей үлес қосып келесіздер", – делінген құттықтауда.

Сондай-ақ, Елбасының құттықтауында әйелдер қауымы шаңырақтың берекесі мен отбасылық құндылықтарды сақтап, бүкіл қоғамның үйлесімді дамуына септігін тигізіп отырғаны жөнінде айтылған.

"Барша қазақстандық аналарға жан-жақты қолдау көрсетіп, қамқорлық жасау – ер-азаматтардың борышы және мемлекеттің ең басты міндеті. Біз осы үдеден шығу үшін аянбаймыз", – делінген құттықтау сөзде.

Концертте "Astana Ballet", "Жастар" театрларының өнерпаздары, халық әртістері Ә.Дінішев, Р.Рымбаева, сондай-ақ танымал орындаушылар Р.Малцагов, Р.Нұржігіт, Ayree, Н.Керменбаев, Ә.Оқапов, А.Жорабаева, "Жас сарбаз" балалар хоры, Қ.Әбілдина студиясының шәкірттері өнер көрсетті.

Кілт сөздер:
Бақытжан Сағынтаев, Халықаралық әйелдер мерекесі, 8 наурыз
Загрузка...

Басты тақырып