Қоғам

"Өзін-өзі шыңдаған боксшы": Рамзан Қадыров Головкинді ерекше құрметтейтінін айтты

© Sputnik / Алексей Никольский / Медиабанкке өтуШешен Республикасының мемлекет басшысы Рамзан Қадыров
Шешен Республикасының мемлекет басшысы Рамзан Қадыров - Sputnik Қазақстан
Жазылу
Шешенстанның мемлекет басшысы Қазақстанда спорттың қарыштап дамып келе жатқанын атап өтті

АСТАНА, 15 наурыз — Sputnik. Шешенстанның мемлекет басшысы Рамзан Қадыров Қазақстан президентінің телерадиокешеніне берген сұхбатында Геннадий Головкинді ерекше құрметтейтінін айтты. Сұхбаттың видеосы телерадиокешеннің Instagram парақшасында жарияланған.

Посмотреть эту публикацию в Instagram

Публикация от Президент Телерадиокешені (@ptrk.kz)

"Бала кезімнен боксты жақсы көремін. Мен үшін ең мықты әрі дарынды спортшы, өзім ерекше құрметтейтін жан. Адам тектен-тек ешқандай жетістікке жетпейді. Сіздердің боксшыларыңыз – әлем чемпионы. Ол өзін-өзі шыңдап, осы деңгейге жетті", - деді Қадыров Головкин туралы.

Геннадий Головкин - Sputnik Қазақстан
Спорт
Головкиннің алдағы жекпе-жегіне қатысты тың дерек шықты

Шешенстан елінің басшысы айтқандай, спортта биік белесті бағындыру бапкерге немесе басқа біреуге емес, адамның тікелей өзіне байланысты. Спортшы барын салып жаттықса, кез келген асуды алады, дейді Қадыров.

Головкин "Канелодан" жеңілгенін мойындады

Сонымен бірге ол Қазақстанда дзюдо күресінің де ерекше қарқынмен дамып келе жатқанын атап өтті.

"Сіздерде бокс қана емес, дзюдо да жақсы дамып келеді. Спортшыларымыз жиі кезігеді. Жеңіп те, жеңіліп те жүрміз. Сондықтан сіздерде спорттың қарыштап дамып келе жатқанын сырттай бақылап, спортшыларыңыз үшін қуанамыз", - деп Шешенстан басшысы жылы лебізін білдірді.

Айта кетсек, қазір бүкіл әлем, әсіресе бокс фанаттары Қазақстанның атақты боксшысы Геннадий Головкиннің кәсіби рингке қайтып оралуын асыға күтіп жүр. Бұған дейін GGG-дің едәуір ықтимал қарсыласы ретінде WBO чемпионы Деметриус Андраденің аты аталған болатын.

Головкиннің әр соққысына қанша ақша төленгені белгілі болды

Жаңалықтар
0