Қоғам

Еңбек министрі: жалақы жыл сайын көбеюі керек

© Photo : Служба центральных коммуникаций Бердібек Сапарбаев
 Бердібек Сапарбаев - Sputnik Қазақстан
Жазылу
Сапарбаевтың айтуынша, қазіргі таңда елімізде орташа жалақы 176 мың теңге жеткен  

АСТАНА, 19 наурыз – Sputnik. Еңбек және халықты әлеуметтік қорғау министрі  Бердібек Сапарбаев жыл сайын жалақы кем дегенде инфляция деңгейінде көбейтіліп отыруы керек екенін мәлімдеді, деп хабарлайды Sputnik Қазақстан тілшісі.

Транспортная карта Оңай - Sputnik Қазақстан
Өңірлер
 Әлеуметтік көмектің мөлшері 50 500 теңгеге дейін көбейетін болды
"Келесі мәселе – ең төмен жалақы алатын қызметкерлердің еңбекақысын көбейту. Қазіргі таңда 184 мың кәсіпорында 958 мың қызметкердің жалақысы өсті. Ендігі міндет – әкімшіліктермен, кәсіподақ, жұмыс берушілермен бірігіп, осы жұмысты жалғастыру. Жалақы жыл сайын ең кем дегенде инфляцияның деңгейінде көбейтілуі керек. Біз енді жаппай қысқартуға жол бермеуіміз керек", - деді Сапарбаев үкіметте еңбек қатынастарын реттеу шаралары қаралған отырыста.

Министр биыл президенттің тапсырмасымен ең төменгі жалақы 42 500 теңгеге дейін көтерілгенін еске салды.

"Қазіргі таңда елімізде орташа жалақы 176 мың теңге (жалдамалы жұмыскерлердің жалақысы – Sputnik) болып есептеледі", - деді ол.

Жаңалықтар
0