Қоғам

Тоқаев қазақстандықтарды Рамазан айының басталуымен құттықтады

© Sputnik / Владислав ВодневАқорда
Ақорда - Sputnik Қазақстан
Жазылу
Рамазан айы бүгін 6 мамыр күні басталып, 4 маусымда аяқталады

НҰР-СҰЛТАН, 6  мамыр – Sputnik. Қазақстан Республикасының президенті Қасым-Жомарт Тоқаев қазақстандықтарды Рамазан айының басталуымен құттықтады, деп хабарлайды Ақорда.

"Қымбатты отандастар! Баршаңызды күллі мұсылман қауымы үшін қасиетті Рамазан айының басталуымен шын жүректен құттықтаймын", - деп мемлекет басшысы құттықтауын бастады.

Тоқаев айтқандай,бұл – шексіз ізгілікке, адамгершілікке, рухани тазаруға және кемелденуге бастайтын мезгіл. Исламның жасампаздық әлеуеті қоғамдағы және әлемдегі дәстүрлі құндылықтар мен гуманизм негіздерін нығайтуға ықпал етеді. Рамазан айында ораза ұстау мейірімділікке, кешірімді болуға, татулыққа және қайырымдылыққа үндейді.

Тағы оқыңыз: Рамазан айында ораза ұстайтын адамға берілетін 5 қасиет

"Елбасының дана саясатының арқасында Қазақстанда бірлік, өзара түсіністік, этносаралық және дінаралық келісім рухы сақталып отыр. Қасиетті Рамазан айы бәріңізге жақсылық, бақ-береке әкелсін!", - деп президент тілектестік білдірді.

Рамазан айы - 2019

Айта кетсек, мұсылман қауым асыға күтетін Рамазан айы бүгін 6 мамыр күні басталып, 4 маусымда аяқталады. Биыл 30 күн ауыз бекітеміз.

Қасиетті Қадір түні – 31 мамырдан 1 маусымға қараған түн. Ал 5 маусымда Ораза айт мейрамы басталады. Құрбан айт 11-13 тамыз күндеріне түсіп тұр.

Тағы оқыңыз: Рамазан - 2019: Нұр-Сұлтан, Алматы, Шымкент және бүкіл өңірлер бойынша ораза кестесі

Шариғат бойынша балиғатқа толған, ақыл-есі дұрыс әрбір мұсылманға Рамазан айында күнде таң атқаннан бастап күн батқанға дейін оразаны ниет етіп, ішіп-жеуден, төсек қатынасынан тыйылу парыз.

Жаңалықтар
0