15:09 20 Қазан 2019
Тікелей эфир
  • USD389.98
  • EUR434.01
  • RUB6.10
Қазақстан мен Ресей жастарының форумы

Қостанайда Қазақстан мен Ресейдің белсенді жастары бас қосты

© Sputnik / Айгюзель Кадир
Қоғам
Қысқа сілтеме алу
78 0 0

Форумда қос елдің жастары екіжақты ынтымақтастықты нығайту мәселелерін талқылап жатыр

ҚОСТАНАЙ, 20 мамыр – Sputnik. Қостанайда мемлекет басшысы Қасым-Жомарт Тоқаевтың қатысуымен өтетін Қазақстан-Ресей жастар форумы өз жұмысын бастады.

Қос елдің қоғамдық ұйым өкілдері өздерінің үздік жобаларын таныстырып, тәжірибесімен бөліседі, деп хабарлайды Sputnik Қазақстан тілшісі.

Участники Казахстанско-российского форума молодежи
© Sputnik / Айгюзель Кадир
Қостанайда Қазақстан мен Ресей жастарының форумы өтіп жатыр

Қазақстан-Ресей форумының бағдарламасы ауқымды. Форумға қатысушылар бірінші күні "Волонтерлік – әлемдік тренд" тақырыбындағы пленарлық дискуссияға қатысады. Бұл мәселе жөнінде Қазақстанның ақпарат және қоғамдық даму министрі Дәурен Абаев, Ресейдің жастар ісі жөніндегі федералдық агенттігінің басшысы Александр Бугаев, ұлттық еріктілер желісінің атқарушы директоры Татьяна Миронюк, Ресейдің еріктілер орталықтары қауымдастығы кеңесінің төрағасы Артем Метелев өз пікірімен бөліседі.

Қазақстан мен Ресейдің жастарын жинаған форум Қостанайдағы жастар сарайында өтіп жатыр. Бұл шараға қатысу үшін Ресейден 200-ден астам ерікті келіпті.

"Қазақстан мен Ресейдің ұзақ жылдарға созылған ынтымақтастығының арқасында бүгін біз жастар форумына қатысып отырмыз. Бұл жастарымыз ұрпақтар сабақтастығы мен қос елдің достық қарым-қатынасқа негізделген дәстүрін сақтап келеді деген сөз. Форумның жастар жылы аясында өтуінің мәні зор", - деді форумның ашылу салтанатында Қостанай облысының әкімі Архимед Мұхамбетов. 

Сондай-ақ ол өңірде 170 мыңнан астам жас тұрып жатқанын атап өтті. Облыс әкімінің пікірінше, жастардың әлеуеті мықты Қазақстанның негізін қалауға бағытталуы тиіс.

Казахстанско-российский форум молодежи в Костанае
© Sputnik / Айгюзель Кадир
Қостанайда Қазақстан мен Ресей жастарының форумы өтіп жатыр

Айта кетейік, форум басталғанға дейін 14-16 мамыр аралығында Қазақстан мен Ресейдің Қорған облысындағы Тобыл өзенінің бойында экологиялық акция ұйымдастырылды. Бүгін бұл акция Қостанайда өтеді.

Ал форумның екінші күні жиынға Қазақстан президенті Қасым-Жомарт Тоқаев қатысады деп күтілуде. Сондай-ақ қос елдің еріктілер ұйымдары өзара меморандумға қол қойып, тәжірибе алмасады.

Дворец молодежи в Костанае
© Sputnik / Айгюзель Кадир
Қостанай қаласындағы жастар сарайы

Тақырып бойынша

Назарбаев жастар жылы туралы жарлыққа қол қойды
Қазақстанда жастар үшін бөлек тұрғын үйлер салынады
"Қайтып келген қыз жаман": Бекболат Тілеухан жастар проблемасын шешудің жолын көрсетті
"Келіншегімен жататын төсегі де жоқ": жастар мәселесін көтерген депутат неге ашынды?
Дайыров: қазіргі жастар Балуан Шолақты фаст-фуд сататын спорт кешені деп қана біледі
Кілт сөздер:
жастар жылы, Қостанай, Ресей
Загрузка...

Басты тақырып