06:10 15 Қазан 2019
Тікелей эфир
  • USD389.62
  • EUR429.98
  • RUB6.06
Астрономиялық сағаттар

Астролог маусым айына болжам жасады: қазақстандықтарды не күтіп тұр?

© Public Domain
Қоғам
Қысқа сілтеме алу
10184 0 0

21-23 маусым күндері табиғи апат болып, теңіз бен құрлықта өрт шығуы мүмкін

НҰР-СҰЛТАН, 1 маусым – Sputnik. Танымал қазақстандық астролог Ирина Әбдірайымова маусым айына болжам жасап, қазақстандықтарды не күтіп тұрғанын айтты.

Жұлдызнамашының есептеуінше, жаздың алғашқы айында ғарыштың жағымсыз энергиясы Жердің биосферасына тікелей әсер ететін болады. Бұл өз кезегінде Жер бетіндегі халықтың тұрмысына жағымсыз әсерін тигізеді.

"Саяси қызметкерлер мен жетекшілер менменшілдік танытады"

Сондай-ақ, оң нәтиже бермейтін теріс саяси шешімдер қабылданып, әуе және жол апаттарының саны күрт өседі. Сатурн мен Юпитер секілді планеталардың күші адамдардың жеке өмірінен гөрі қоғамға көбірек әсер етеді. Бұған олардың энергетикасын қарапайым адамның сезіне алмауы себеп.

"Осы тұста мәдениет, ғылым мен білім, әлеуметтік және саяси мәселелер мен адамдардың жеке құқығының қорғалуы жайында айтып жатырмын. Маусым айының алғашқы тоқсанында, әсіресе 5-і мен 10-ы аралығында адамдар, оның ішінде саяси қызметкерлер мен жетекшілер менменшілдік танытады. Әлін білмей әлек болады десек те артық емес", - деді астролог Sputnik Қазақстан тілшісіне.

Әрі қарай жұлдыздар сырын меңгерген маман жоғарыдағы азаматтардың халыққа, қоластындағы қызметкерлеріне берген уәдесін орындамайтынына тоқталды. Осы менменшілдік, жалған оптимизм көптеген қайғылы оқиғаға әкеліп соқтырады. Адамдар өздерімен келісе алмағанымен қоймай, айналасындағылармен де сөзге келіп қалады.

"Жанжал болады"

"Маусым айында басшылық, адвокат, сот төрағасы, билік органдары өкілі және мемлекеттік қызметшілермен арада жанжал туындайды. Сол себепті жаздың алғашқы айында өз энергиямызды жеке шығармашылыққа қарай бағыттаған дұрыс. Өкінішке қарай, бұл айда серіктестік қарым-қатынасқа сызат түсіп, іс насырға шабады. Жалпы, өзіңізді жақсы жағыңыздан ғана көрсетпеуге кеңес берер едім. Бұл қолында билігі бар азаматтарға жақпай қалуы мүмкін", - дейді Ирина Әбдірайымова.

Тағы оқыңыз: Нумеролог Димашты алда не күтіп тұрғанын айтты

Мұнымен қатар, астролог махаббат, отбасы және қаржы қиындықтарын реттеу үшін үшінші бір адамдардың көмегіне жүгінбеуге кеңес берді. Көп тамақ ішіп, шектен тыс физикалық жаттығу жасай беруге де болмайтынын айтты. Әсіресе, бауыр мен жүрекке салмақ салмаған жөн.

"8-11 маусым аралығында алаяқтарға алданып қалуыңыз мүмкін. Сеніміңізге кіріп алып, тез баюдың жолын ұсынатын жандардан бойыңызды аулақ ұстаңыз. Бұдан өзге басшылық және ұжыммен жанжалдасып қалуыңыз мүмкін. Бет жыртысып ұрыспасаңыздар да, іштей дұшпан болып жүресіздер. Сіз туралы жалған қауесет таратулары да ғажап емес", - дейді астролог.

"Маусымның соңына қарай үлкен өрт болуы мүмкін"

13-21 маусым аралығында ашу мен сезімге бой алдырып, орынсыз әрекеттерге баруыңыз мүмкін. Мұндайда бізге сабыр мен төзімділік көмектеседі. Өкінішке қарай, несиемен байланысты да қиындықтар туындайды. Тіпті, қашып құтыламын деп сыр бермеуге тырыссаңыз да, көп ұзамай бәріне аян болады.

"21-23 маусым күндері табиғи апаттар болады. Құрлық пен теңізде өрт шығу қаупі басым. 27 маусымға қарай жағдай тұрақтала бастайды. Бірақ, толықтай жөнге келеді деп айту қиын. Сол себепті улы сұйықтықтармен жұмыс істегенде барынша сақ болуға тырысыңыз. Сондай-ақ, осы айда қабылданған шешімнің ұзақ уақыт бойы өміріңізге әсерін тигізіп өтетінін еске салғым келеді", - дейді Ирина Әбдірайымова.

Сөз соңында астролог маман жазда басталған қиындықтардың күзде шетінен ретке келе бастайтынын айтып қуантты.

Тақырып бойынша

2019 жылға жұлдыз жорамал: Жаңа жылда кімдердің жолы болады?
Қанаттының көңілін қалай табамыз – астролог кеңесі
Астролог айдың тұтылуынан кейін адам өмірінде не өзгеретінін айтты
Астролог 2019 жылы қай айда туғандардың сақ болуы керектігін айтты
Назарбаевтың туған күні президент жайлы не дейді? Нумеролог сандарды "сөйлетті"
Тоқаевтың туған күні президент жайлы не дейді? Нумеролог айтып берді
Головкиннің туған күні боксшы туралы не дейді - нумеролог айтып берді
Кілт сөздер:
жұлдыз жорамал, болжам, астролог
Загрузка...

Басты тақырып