02:18 15 Қазан 2019
Тікелей эфир
  • USD389.62
  • EUR429.98
  • RUB6.06
Смартфон

Сайлау учаскелерінде желі арқылы тікелей эфирге шығуға бола ма?

CC0 / Dean Moriarty
Қоғам
Қысқа сілтеме алу
Президент сайлауы - 2019 (176)
131 0 0

Заң бойынша сайлау учаскелерінде аудио және бейнежазба жасауға рұқсат етіледі

НҰР-СҰЛТАН, 7 маусым – Sputnik. Сайлау учаскелерінде аудио және бейнежазбаға тыйым салынбаған. Бұл туралы бас прокурордың орынбасары Болат Дембаев мәлімдеді, деп хабарлайды Sputnik Қазақстан тілшісі.

Орталық сайлау комиссиясында бас прокуратура блогерлердің 9 маусымда сайлау учаскелеріне барып, әлеуметтік желі арқылы тікелей эфирге шығып, трансляция жүргізуі қаншалықты заңды деген сұраққа жауап берді.

Тағы оқыңыз: Электронды дауыс қалай беріледі?

"Қолданыстағы заңда сайлау учаскелерінде аудио және бейнежазба жасауға рұқсат етіледі деп жазылған. Бірақ, бұл жағдайда заң нормаларын қатаң басшылыққа алу керек. Ең алдымен, учаскелік комиссиялардың қызметіне кедергі келтіруге, араласуға, сайлаушылардың жеке мәліметтерін таратуға болмайды. Бұл үшін әкімшілік және қылмыстық жауапкершілік қарастырылған", - деді бас прокурордың орынбасары Болат Дембаев.

Сондай-ақ, ол азаматтық заңнаманың нормаларын сақтау керектігін атап өтті.

"Заңда кез келген адамның суретін пайдалану және тарату оның келісімімен жүзеге асырылатыны көрсетілген", - деді Дембаев.

Айта кетсек, бүгін сайлауалды үгіт науқанының соңғы күні. Ертең, 8 маусым – тыныштық күні, кез келген үгіт жұмыстарына тыйым салынады.

Президентікке үміткер жеті кандидат
© Sputnik /
Президентікке үміткер жеті кандидат

Қазақстандағы президент сайлауы

Кезектен тыс президент сайлауы осы жексенбі, 9 маусымда өтеді.

Осы жолы Орталық сайлау комиссиясы Қазақстан президенттігіне жеті кандидатты тіркеді:

  • Қазақстан коммунистік халық партиясы атынан Жамбыл Ахметбеков;
  • "Ақ жол" демократиялық партиясы атынан Дания Еспаева;
  • "Ұлт тағдыры" қозғалысы атынан Әміржан Қосанов;
  • "Ауыл" партиясы атынан Төлеутай Рақымбеков;
  • Кәсіподақтар федерациясы атынан Амангелді Таспихов;
  • Nur Otan партиясы атынан Қасым-Жомарт Тоқаев;
  • "Ұлы дала қырандары" қоғамдық бірлестігі атынан Сәдібек Түгел.
Тақырып:
Президент сайлауы - 2019 (176)

Тақырып бойынша

"Шара қолданылады": Министрлік сайлауда митинг өткізуге қатысты пікір білдірді
Birge акциясы: қазақстандықтарды қандай проблемалар мазалайтыны белгілі болды
Сайлау 2019: бір кабинаға екі адам бірге кіруге бола ма?
Қазақстан президентін ұлықтау рәсімі қалай өтеді?
Бас прокуратура үгіт науқаны кезінде заңды бұзғандарға қатысты 7 іс қозғады
Кілт сөздер:
тікелей эфир, президент сайлауы
Загрузка...

Басты тақырып