06:20 26 Тамыз 2019
Тікелей эфир
  • USD386.34
  • EUR427.25
  • RUB5.88
Науқас бала, архивтегі сурет

Арыстағы жарылыс: Нұр-Сұлтанға жеткізілген бір баланың жағдайы ауыр

© AP Photo / John Locher
Қоғам
Қысқа сілтеме алу
Арыстағы жарылыс (85)
155 0 0

Төтенше жағдай кезінде зардап шеккен екі бала 28 маусым күні Шымкенттен астанаға жеткізілген болатын

НҰР-СҰЛТАН, 1 шілде – Sputnik. Арыстағы жарылыстан зардап шеккен бір баланың жағдайы ауыр. Бұл туралы №2 қалалық аурухананың бас дәрігері
Біржан Доссмайылов айтты, деп хабарлайды Sputnik Қазақстан тілшісі.

Оның айтуынша, жарылыстан зардап шеккен балаларға тиісті медициналық көмек көрсетілген. Екеуі де бас сүйек-ми жарақатын алған.

"28 маусым күні санитарлық авиациямен Шымкент қаласынан екі бала Нұр-Сұлтанға жеткізілді. Олар қаладағы №2 ауруханада ем қабылдап жатыр. Ауруханаға түскен бетте тиісті медициналық көмек көрсетіліп, жансақтау бөліміне жатқызылды. Бір баланың жағдайы дұрысталғаннан кейін нейрохирургиялық бөлімге ауыстырылды", - деді ол журналистерге.

Біржан Досмайылов
© Sputnik / Дәурен Ерболат
№2 қалалық аурухананың бас дәрігері Біржан Доссмайылов Арыстағы жарылыста зардап шеккен балалардың жағдайы туралы айтты

Біржан Доссмайылов екінші баланың өміріне әлі де қауіп төніп тұрғанын айтты.

"2005 жылы туған баланың жағдайы жақсы. Ал 2011 жылы туған бала жансақтау бөлімінде жатыр. Тиісті медициналық көмек көрсетілуде. Бірақ әлі есін жиған жоқ, жағдайы ауыр", - деді бас дәрігер.

Сондай-ақ ол балалардың жарылыс кезінде жарақатты қалай алғанын айта алмайтынын жеткізді. 

"Олар бас сүйек-ми жарақатын алған. Жарақатты қалай алғанын айта алмаймын", - деді Біржан Доссмайылов.

Арыстағы төтенше жағдай

24 маусымда Түркістан облысындағы Арыс қаласында жарылыс болды. Қала жанындағы әскери бөлімнің қоймасында өрт шығып, оқ-дәрі жарыла бастаған.

Жергілікті тұрғындардың үрейі ұшып, үйлерін тастап қаша бастады. Халықты Шымкент және басқа көршілес елді мекендерге эвакуациялау басталды.

Жарылыс салдарынан үш адам қаза тапты: бір тұрғын және екі әскери қызметкер. 

Разрушенные взрывами улицы Арыси
Скрин видео Sputnik
Жарылыстан кейінгі Арыс

Қорғаныс министрі төтенше жағдайдың алдын ала себептерін атады. Оның айтуынша, жарылыстарға электр желісінің тұйықталуы, оқ-дәрідегі химиялық реакция, диверсия, бөтен бір заттың тиіп кетуі, шөптің жануы себеп болуы мүмкін. 

Саперлер қаланы тазартып, 28 маусымда тұрғындар үйлеріне орала бастады.

Үкімет басшысы Асқар Мамин Арыстың әрбір тұрғынына 100 мың теңгеден берілетінін мәлімдеді.

Тақырып:
Арыстағы жарылыс (85)

Тақырып бойынша

Арыста қанша үйдің күлі көкке ұшқаны белгілі болды
Арыстағы трагедия: 50 адам әлі де ауруханада жатыр
Арыстық 340 оқушы жазғы лагерге кетті
Арыстың әрбір тұрғынына 100 мыңнан беріледі: Мамин өңірде жиын өткізді
"Төтенше жағдай кезінде қыдырып жүр": Арысқа көшкен Шөкеев кімге шүйлікті?
Кілт сөздер:
бала, Нұр-Сұлтан, жарылыс
Загрузка...

Басты тақырып