08:32 23 Тамыз 2019
Тікелей эфир
  • USD386.04
  • EUR427.77
  • RUB5.88
Әбу-Даби Плаза жұмысшылары

"Бұған нүкте қою керек": министр Нұр-Сұлтандағы жұмысшылардың ереуілі туралы айтты

© Sputnik / Владислав Воднев
Қоғам
Қысқа сілтеме алу
3207 0 0

Елордада салынып жатқан "Абу-Даби Плаза" ғимаратының жұмысшылары еңбек шарттарын жақсартуды талап етті

НҰР-СҰЛТАН, 3 шілде – Sputnik. Еңбек және халықты әлеуметтік қорғау министрі Бердібек Сапарбаев "Абу-Даби плаза" жұмысшыларының ереуіліне қатысты түсініктеме берді, деп хабарлайды Sputnik Қазақстан тілшісі.

Сапарбаевтың айтуынша, таңертең салынып жатқан нысанға елорда әкімінің орынбасары, еңбек инспекциясы мен министрлік өкілі барған.

"Бастапқы талап мынадай болды. Біріншісі, түскі асқа қатысты. Жұмыс берушілер түскі ас үшін 500 теңге төлейді. Ал шетелдік жұмысшылар арнайы асханада тамақтанады екен. Қазақстандықтар 500 теңге аз, үстіне қосу керек деп отыр. Екіншісі, жұмыс уақытына қатысты. Ал үшінші талап – жалақы мәселесі", - деп тізіп берді министр ОКҚ-де өткен баспасөз мәслихатында.

Сапарбаев жұмысшылардың ереуілінен кейін арнайы комиссия құрылғанын атап өтті.

"Қазақстандық және шетелдік жұмысшылар қанша алатынын осы комиссия анықтайды. Еңбек кодексіне сәйкес, егер еңбек ету шарттары бірдей болса, төленетін жалақы да бірдей болуы тиіс", - деді ол.

Министр заңбұзушылық анықталған жағдайда, құқық қорғау органдарымен бірлесіп шара қабылдауға уәде берді.

"Шынын айтқанда, осы "Абу-Даби Плазаға" қатысты мәселеге нүкте қою керек", - деді ведомство басшысы.

Абу-Даби Плазадағы ереуіл

Бүгін сағат 10:00-де "Абу-Даби Плаза" аумағында субмердігер ұйымдардың жұмысшылары жиналып, еңбек шарттары мен жалақыға көңілі толмайтынын жеткізген.

Елорда әкімдігінің мәліметінше, жиналғандармен қаланың бас мемлекеттік еңбек инспекторы Ерлан Ысмағұлов пен "Есіл" ауданының прокуроры Дамир Қатаев кездесті.

Араға 40 минут салып, құрылысшылар жұмыс орындарына тарқасты.

Қазір олар штаттық режимде жұмыс істеп жатыр.

Абу-Даби Плаза құрылысы

"Абу-Даби Плаза" ғимаратының құрылысы 2010 жылы басталған болатын. Осы уақытқа дейін құрылысы аяқталмаған нысан бес рет өртенді.

Тағы оқыңыз: Теңіздегі төбелес: полицейлер басты күдіктіні ұстады

Соңғы деректерге сүйенсек, сауда орталығын 2019 жылдың 30 қазанында, қонақүй кешенін 2019 жылдың 30 желтоқсанында, ал тұрғын үй кешенін 2020 жылдың 30 қаңтарында пайдалануға беру жоспарланып отыр.

Тақырып бойынша

"Намысқа тиетін сурет": Теңіз елді мекеніндегі жаппай төбелестің мән-жайы
Теңіздегі төбелес: полицейлер басты күдіктіні ұстады
Астанадағы автобус жүргізушілерінің ереуілі - "Astana LRT" не деп жауап берді?
Шахтерлердің жалақысына қатысты тергеу жалғасып жатыр – Дүйсенова
Дүйсенова: шахтерлердің жалақысы туралы ақпарат таратқан адам жазаланады
Кілт сөздер:
талап, жұмысшылар, Бердібек Сапарбаев, теңге
Загрузка...

Басты тақырып