08:35 21 Қаңтар 2020
Тікелей эфир
  • USD375.91
  • EUR416.85
  • RUB6.10
Қоғам
Қысқа сілтеме алу
Арыстағы жарылыс (87)
187 0 0

Денсаулық сақтау министрінің айтуынша, баланы шетелдік нейрохирургтар емдеп жатыр

НҰР-СҰЛТАН, 25 шілде – Sputnik. Денсаулық сақтау министрі Елжан Біртанов Арыс қаласында жарақат алған 8 жасар баланың жағдайы туралы айтып берді, деп хабарлайды Sputnik Қазақстан тілшісі.

"Қазір Арыстағы жағдайдан кейін үш адам ауруханада жатыр. Біреуі Шымкент қаласында, енді біреуі Алматыда және бір науқас осында - Нұр-Сұлтан қаласында. Жансақтау бөлімінде жатқан науқасты ерекше бақылап отырмыз. Екі адамның беті бері қарап келеді. Ал 8 жасар баланың жағдайы өте нашар", - деді Біртанов астанада өткен баспасөз мәслихатында.

Тағы оқыңыз: Арыстағы жарылыс: Тоқаев бас прокурорға тапсырма берді

Министрдің айтуынша, бала басынан жарақат алған. Оған барлық медициналық көмек көрсетіліп, санитарлық авиациямен астанаға жеткізілген.

"Жақында баланы мастер-класқа келген шетелдік нейрохирургтарға көрсеттік. Олар жан-жақты емдеп жатыр. Алайда көбінесе бұл дәрігерлердің қолында емес. Жарақаты ауыр, өте күрделі. Өкінішке қарай, баланың жағдайы түзеліп келе жатқан жоқ, өте нашар деуге болады. Бірақ біз барлық қажетті көмекті ұйымдастырдық", - дейді Біртанов.

Арыстағы жарылыс

Еске сала өтсек, биыл 24 маусым күні сағат 10 кезінде Түркістан облысы Арыс қаласындағы әскери бөлімнің оқ-дәрі қоймасында жойқын жарылыс болды. Қала тұрғындары Шымкент пен көршілес аудандарға шұғыл көшірілді.

Жарылыстан 3 адам: екі әскери қызметкер мен жергілікті тұрғын қаза тапты. Осы оқиғадан соң, Қазақстан президенті Қасым-Жомарт Тоқаев қорғаныс министрі Нұрлан Ермекбаевқа қатаң сөгіс жариялаған.

Арыс қаласы Шымкентен 85 шақырым, ал Түркістаннан 168 шақырым қашықтықта орналасқан.

 

Тақырып:
Арыстағы жарылыс (87)

Тақырып бойынша

Мамин Арыстағы жарылыстан кейін жөнделген үйде болды – видео  
Арыс оқиғасы: 55 мыңнан астам тұрғынға  бір реттік өтемақы беріледі
Арыста өрт басталды: аспанды қою қара түтін басты – видео
Арыстағы оқиғадан кейін министр тағы бір оқ-дәрі қоймасын тексерді
Тоқаев қорғаныс министріне қатаң сөгіс жариялады
Арыста ескі мал қорымдары табылды: аурудың таралу қаупі бар ма?
Арыстағы арсенал қашан түгел шығарылады – министр жауабы
Кілт сөздер:
Денсаулық сақтау министрлігі, жарақат, бала
Загрузка...

Басты тақырып