09:36 19 Тамыз 2019
Тікелей эфир
  • USD386.82
  • EUR428.67
  • RUB5.86
Қой, архивтегі сурет

Мүфтият құрбандыққа шалынған малдың етін кімге тарату керек екенін айтты

© Sputnik / Саид Царнаев
Қоғам
Қысқа сілтеме алу
Құрбан айт 2019 (29)
1722 0 0

Биыл Құрбан айт мейрамы 11-13 тамыз күндеріне белгіленіп отыр

НҰР-СҰЛТАН, 5 шілде – Sputnik. Қазақстан мұсылмандары діни басқармасы "Зекет" қорының директоры Талғат Омаров құрбандыққа шалынған малды еті кімге таратылатынын, діни мейрам кезінде арнайы акция ұйымдастырылатынын Sputnik Қазақстан тілшісі айтып берді.

Мүфтият 2019 жылы Құрбан айт мерекесі тамыз айының 11-13 күндері болатынын айтты. Имамдар құрбандыққа шалынған малдың етін үш бөлікке бөліп тарату – мұстахаб екенін айтады. Еттің бір бөлігі – туған-туыс, көршілеріне (олар бай болса да сыйға тартылады), екінші бөлігі – кедей және мұқтаж адамдарға, үшінші бөлігі – өзінің отбасына, бала-шағасына беріледі. Бірақ шалынған малдың етін түгелдей кедей-мұқтаждарға таратуға да болады.

"Көмек сұрап жатқан адам көп"

Талғат Омаров басқаратын қор ауқымды қайырымдылық шараларын ұйымдастырады. Ол Құрбан айт мерекесі аясында арнайы акция ұйымдастырылатынын айтты.

Астанада Құрбандық шалуға арналған жерлер
© Photo : Нұр-Сұлтан қаласы әкімдігінің ресми сайтынан алынды
Астанада Құрбандық шалуға арналған жерлер

"Құрбан айтқа байланысты біз акция ұйымдастырып жатырмыз. Көмек сұрап жатқан адам көп. Құрбандыққа шалынған малдың етін мұқтаж адамдарға таратуға көмектесеміз. Акция аясында 7 адам бірігіп, сиыр сойса немесе бір адам бір қой сойса, оның етін біз тегін таратып бере аламыз. Сондай-ақ, адамдарға көмек ретінде "ет бергіміз келеді" деген тұрғындар болса, +7 (707) 592 06 52, + 7 (701) 395 35 32 нөміріне хабарласуға болады", - дейді ол.

Тағы оқыңыз: Құрбан айтта не істеуге болмайды - видео

Қазақстан мұсылмандары діни басқармасы жанындағы "Зекет" қорының астана мен Алматыда бөлімдері бар. Қазіргі кезде қор көмекке мұқтаж жандарға азық-түлікті тегін таратып жатыр.

"Біз қайырымдылық шарасын жиі ұйымдастырып тұрамыз. Ал мешіттегі шараларға араласпаймыз", - деді Талғат Омаров.

"Құрбан айт – мал сою шарасы емес"

Қазақстан мұсылмандары діни басқармасының төрағасы, бас мүфти Серікбай қажы Ораз құрбандық– мал сою шарасы ғана емес, халықтың ынтымағын нығайтып, елдің ауызбіршілігін күшейте түсетін айтулы мереке екенін жеткізді.

"Бұл – Алла Тағаланың бізге тарту еткен мерекесі. Мұсылман баласының құлшылық амалдары жамағатпен және ауызбіршілікпен атқарылады. Құрбан айт соның үлкен айғағы. Бұл мереке исі мұсылманның бірлігі мен берекесін тағы да паш ете түседі. Біз пайғамбарымыздың және сахабалардың (көпшіліктің) жолын ұстанушы үмбетпіз. Қажылық, құрбандық, жамағатпен оқылатын намаздар және тағы басқа игі амалдар мұсылманды бірлікке тәрбиелейді", - дейді ол.

Тағы оқыңыз: Мешітте құрбандық шалу шарттары қандай?

Сонымен қатар ҚМДБ өкілдері Құрбан айтта елордадағы Әзірет Сұлтан, Нұр Астана, Сәдуақас қажы Ғылмани мешіттерінде құрбандық шалу акциясы жүргізіледі. Оған кез келген адам қатыса алады. Құрбандық еті елордадағы мұқтаж отбасыларға үлестіріледі.

Тақырып:
Құрбан айт 2019 (29)

Тақырып бойынша

Құрбандыққа шалынған малдың қасында селфи жасауға бола ма?
Құрбан айтқа мол дастархан жайғандарға айыппұл салынады
Қасиетті Құрбан айт мерекесі туралы деректер
"Жаңсақ пікір". Бас мүфти сақал мен балаққа тыйым салуға қатысты не ойлайтынын айтты
Мұсылман елі астанасында тұңғыш рет құрбан шалуға рұқсат берілді
Кілт сөздер:
ет, құрбандық мал
Загрузка...

Басты тақырып