13:10 23 Қыркүйек 2019
Тікелей эфир
  • USD386.70
  • EUR427.15
  • RUB6.06
Дәптер, архивтегі сурет

"Он алты мың тұрады": Алматы тұрғыны мектеп дәптерінің бағасы туралы

© Sputnik / Дмитрий Виноградов
Қоғам
Қысқа сілтеме алу
1124 0 0

Алматылық кітап дүкенінде оқушыларға арналған 10 дана жұмыс дәптері 16 мың теңге тұрады

НҰР-СҰЛТАН, 9 тамыз — Sputnik. Алматы тұрғыны екінші сыныпта оқитын баласына 16 мың теңгеге дәптерлер жинағын сатып алған, деп хабарлайды Sputnik Қазақстан тілшісі.

Бұл жинаққа математика, музыка, орыс тілі, жаратылыстану, мәнерлеп оқу ("Алматыкітап" баспасы), өзін-өзі тану, әлемді тану, еңбек сабағы, ағылшын және қазақ тілі пәндеріне ("Көкжиек-горизонт" баспасы) арналған жұмыс дәптерлері кіреді.

"Тиісті жұмыс дәптерлерінің тізімін сынып жетекшісі берді. Оқу жылы қарсаңындағы дүрлікпе басталмас бұрын жұмыс дәптерлерін сатып алайын деп шештім. Бірақ бағасын көріп шошып кеттім. 10 дана жұмыс дәптері дүкенде 16 мың теңге тұрады. Ата-аналар базарда бұл заттар 6500 теңге тұратынын айтады", - дейді алматылық.

Ол "Көкжиек-горизонт" баспасынан шыққан қазақ тілін оқытуға арналған "Балапан" жұмыс дәптерінің ең қымбат екенін жеткізді. Оның құны – 5500 теңге.

"Бір жұмыс дәптерінің бағасы - 5500 теңге. Бұл – өте қымбат. Бұл дәптерді базардан 3500 теңгеге сатып алуға болады. Бірақ онда қағаздың сапасы басқаша, әрі дәптердің бояуы қанық емес", - деп әйел әңгімесін жалғастырды.

Жұмыс дәптерлерінің бағасы неге қымбат екенін білу үшін Sputnik Қазақстан тілшісі "Алматыкiтап баспасы" компаниясының президенті Гауһар Саймасаеваға хабарласты.

Тағы оқыңыз: 1 қыркүйек жексенбіге түсіп тұр: Білім министрлігі мәлімдеме жасады

Оның айтуынша, баспа 5 пән бойынша (математика, музыка, жаратылыстану, орыс тілі және мәнерлеп оқу) жұмыс дәптерін шығарады. Бұл дәптерлер жинағының бағасы 4380 теңге. 4 пән бойынша (музыкадан басқа) дәптердің бағасы 2000-4000 теңге шамасында. 

"Басқа баспа үйі шығаратын жұмыс дәптерінің бағасы туралы айта алмаймын. Бірақ біздегі дәптердің бағасы 4500 теңгеден аспайды. 5 пән үшін бұл әділетті баға. Себебі, бүгінде ақ альбом парағы шамамен 2000 теңге тұрады", - дейді баспа үйінің басшысы.

"Көкжиек-горизонт" баспа үйі шығаратын қазақ тілі бойынша жұмыс дәптерлері жинағының ресми бағасы – 3 960 теңге (Әр дәптер 990 теңге тұрады). 

Сондай-ақ, баспа үйінің басшылары алыпсатарлар алған өнімдердің бағасының өсуіне жауап бере алмайтынын жеткізді. Баспа үйі мен олардың ресми және бөлшек сауда дүкендердегі кітаптар мен жұмыс дәптерінің баға айырмашылығы 30%-ке дейін жетуі мүмкін.

Сонымен қатар баспа үйлері бастауыш сыныптарға арналған оқулық пен жұмыс дәптерін базардан сатып алуға кеңес бермейді. Себебі, онда жасанды өнімдер көп. Сатушылар оқулық пен жұмыс дәптерінің қағазы мен бояуына жауап бермейді.

Айта кетейік, осыған дейін ҚР білім және ғылым министрі Асхат Аймағамбетов мектеп оқулықтарын шығаратын баспа үйлеріне жауапкершілікті күшейту қажеттігін айтқан. Ол оқулық мазмұнының сапасын көтеру қажет деген пікірде. Оның айтуынша, егер баспа үйі шығарған оқулықтардан қате табылса, компания өз қаржысына қайта басып шығарады.

Тақырып бойынша

Жаңа оқу жылында оқушыларды қандай жаңашылдық күтіп тұр?
"Нүкте қоятын кез келді": білім министрі маңызды мәселенің тоқетерін айтты
Түркістан облысында оқушы зорланды: күдіктінің неге ақталғаны белгілі болды
Ата-аналарды мазалаған мәселе білім беру бағдарламасына енгізілуі мүмкін
Енді мұғалімді балағаттағандарға 252 мың теңге айыппұл салынуы мүмкін
Кілт сөздер:
теңге, тұрғын, Алматы
Загрузка...

Басты тақырып