05:12 18 Қазан 2019
Тікелей эфир
  • USD389.94
  • EUR433.50
  • RUB6.10
Ақжарқын Тұрлыбай

Қытайда Ақжарқын Тұрлыбайдың ісіне қатысты сот отырысы өтті

© Photo : аккаунт Акжаркын Турлыбай в соцсетях
Қоғам
Қысқа сілтеме алу
Ақжарқын Тұрлыбайдың тағдыры (16)
992250

Отырыс барысында қорғаушы тарап ұсынған қылмыстық іс материалдары қаралды

НҰР-СҰЛТАН, 3 қыркүйек – Sputnik. Бүгін Қытайдың Гуанчжоу қалалық сотында есірткі контранбандасы үшін сотталған Ақжарқын Тұрлыбайдың ісін қайта қарау бойынша отырыс өтті, деп хабарлады Қазақстанның сыртқы істер министрлігі.

"Отырыс барысында қорғаушы тарап ұсынған қылмыстық істің материалдары қаралды. Отырысқа қорғаушылар, Қазақстанның Қытайдағы Елшілігінің өкілдері, Ақжарқын Тұрлыбайдың анасы және аудармашы қатысты. Кездесу сағат 10.00-нан бастап (Гуанчжоу уақыты) 2 сағаттан астам уақытқа созылды", - деп хабарлады министрлік.

Ақжарқын Тұрлыбайдың денсаулығы жақсы. Сотта өзін-өзі жақсы ұстап, сот тарапынан қойылған сұрақтарға өзі қытай тілінде түсініктеме берген. Үкімнің жарияланатын күні әзірше белгісіз.

Ақжарқын Тұрлыбайдың тағдыры

Қазақстан азаматы Ақжарқын Тұрлыбай 2014 жылы наурызда Гуанчжоу әуежайында ұсталған болатын. Оған шекарадан 4,5 келі есірткі алып өтпек болды деген айып тағылды. Ол кезде отандасымыз 20 жаста еді. 2015 жылдың маусымында Қытай соты оны өмір бойына бас бостандығынан айырды. Сотта Ақжарқын шетелдік досы алдап кеткенін айтып, кінәсін мойындаған жоқ.

Қытайда Ақжарқын Тұрлыбайдың ісіне қатысты сот отырысы өтті
© Photo : Сыртқы істер министрлігі
Қытайда Ақжарқын Тұрлыбайдың ісіне қатысты сот отырысы өтті

Ақжарқын Тұрлыбай 1994 жылы 21 ақпанда туған. Қыздың отбасы Түркістан облысында тұрады. Алматыдағы Қазақ мемлекеттік қыздар педагогика университетіне оқуға түскен. Үшінші курстан бастап түнгі клубта даяшы болып жұмыс істеп, табыс таба бастаған. Қытайға құрбысына тауар әкелуге көмектесу үшін барыпты.

Бұған дейін Sputnik Қазақстан сауалына жауап берген сыртқы істер министрлігі бюдждет есебінен адвокат жалданғанын мәлімдеді.

"Тұрлыбайдың заңды құқықтарын және мүдделерін сотта қорғау мақсатында "Шетелде Қазақстанның мүдделерін білдіру" бағдарламасы бойынша республикалық бюджеттен бөлінген қаражатқа Бейжіңнің "Дахэн" адвокаттық компаниясынан білікті заңгер жұмысқа тартылды", - делінген хабарламада.

Түрмеде Ақжарқын Тұрлыбай қасындағы сотталғандарға ағылшын тілін үйретіп жүр. Көркем әдебиеттер оқиды. Дене шынықтырумен айналысады. Қытай тілін жақсы меңгеріп алған.

Тақырып:
Ақжарқын Тұрлыбайдың тағдыры (16)

Тақырып бойынша

Ақжарқын Тұрлыбайдың ісі: Министрлік Қытайдан хабар күтіп отырғанын мәлімдеді
Қытайдағы Қазақстан елшілігі Ақжарқын Тұрлыбайдың жағдайы туралы айтты
Қытайда өмір бойына сотталған Ақжарқын Тұрлыбай немен айналысып жатыр?
Қытайда қазақстандық студент қыздың ұсталуына қатысты министрлік түсініктеме берді
Қытайда тағы бір қазақстандық студент қыз ұсталды
Қазақстанның Қытайдағы елшілігі Ақжарқын Тұрлыбайға қатысты мәлімет берді
Қытайда көз жұмған қазақстандық қыздың өліміне қатысты тың дерек шықты
Кілт сөздер:
Қытай, Ақжарқын Тұрлыбай
Загрузка...

Басты тақырып