19:33 15 Қазан 2019
Тікелей эфир
  • USD389.62
  • EUR429.98
  • RUB6.06
Диқаншылықты кәсіп еткен ауыл 145 гектар егістік жерді игеріп отыр

Шекара маңындағы жерлер шетелдіктерге берілмейді – сенат заң қабылдады

© Sputnik / Жансая Тәуекелқызы
Қоғам
Қысқа сілтеме алу
111 0 0

Ауыл шаруашылығы мақсатындағы жерлерді шетелдіктерге, азаматтығы жоқтарға, шетелдік заңды тұлғаларға, сондай-ақ шетелдіктердің қатысуы бар қазақстандық заңды тұлғаларға беруге тыйым салу көзделген

НҰР-СҰЛТАН, 10 қазан – Sputnik. Парламент сенаты мемлекеттік шекара маңында орналасқан ауыл шаруашылығы мақсатындағы жерлерді шетелдіктерге беруге тыйым салатын заңды қабылдады, деп хабарлайды Sputnik Қазақстан тілшісі.

Бүгін сенатта "Қазақстан Республикасының кейбір заңнамалық актілеріне агроөнеркәсіптік кешенді реттеу мәселелері бойынша өзгерістер мен толықтырулар енгізу туралы" заң жобасы екінші оқылымда қаралды. Заң жобасы 13 кодекс пен 29 заңға өзгерістер мен толықтырулар енгізуді көздейді.

"Заң жобасында мемлекеттік шекара маңында орналасқан ауыл шаруашылығы мақсатындағы жерлерді шетелдіктерге, азаматтығы жоқ адамдарға, шетелдік заңды тұлғаларға, сондай-ақ шетелдіктердің қатысуы бар қазақстандық заңды тұлғаларға беруге тыйым салу көзделген", - делінген сенаттың аграрлық мәселелер, табиғатты пайдалану және ауылдық аумақтарды дамыту комитетінің қорытындысында.

Бұдан бөлек, заң жобасының негізгі түзетулері жер ресурстары саласындағы мынадай нормаларды көздейді: ерекше қорғалатын табиғи аумақтардың жерлерін босалқы жерлерге ауыстыру жағдайларын шектеу; ауыл шаруашылығы мақсатындағы жерлердің ұтымды пайдаланылуына бақылау жасау тетігін жетілдіру; ауыз су сапасындағы жерасты суларын пайдалануға рұқсат беру талаптарын нақтылау.

Тағы оқыңыз: Мұхтар Тайжан Тоқаевқа халықтың көкейіндегі тілекті жеткізді

Сондай-ақ, жануарлар мен өсімдіктер әлемі саласындағы браконьерлік мәселелері бойынша әкімшілік және қылмыстық заңнамалардың нормалары қатаңдатылды.

Заң жобасында көзделіп отырған өзгерістер заңнамалық базаны жетілдіре отырып, еңбек өнімділігін еселеуге, сондай-ақ өңделген өнім экспортын ұлғайту арқылы агроөнеркәсіп кешені саласының бәсекеге қабілеттілігін арттыруға қолайлы мүмкіндіктер қалыптастырмақ.

Сенат депутаттары заң жобасын екінші оқылымда мақұлдап, қабылдады.

Тақырып бойынша

"Момын халық". Мұхтар Тайжан қытайлардан неге қорықпау керек екенін айтты
Тайжан жер заңына қатысты: кейбіреулер халықты әдейі шатастырып жүр
"Бізді надан деп ойлайсыздар ма?": Абаев Жаңаөзендегі митинг туралы пікір білдірді
Жер шетелдіктерге сатылмайды – Тоқаев
Шығыс Қазақстанда жер сатылып жатыр деген рас па –  облыс әкімі жауап берді
Кілт сөздер:
заң, Сенат, шетелдіктер, жер, шекара
Загрузка...

Басты тақырып