08:01 20 Қараша 2019
Тікелей эфир
  • USD387.16
  • EUR428.47
  • RUB6.08
Кітап, архивтегі сурет

Депутат білім вице-министрін отставкаға жіберуді талап етті

© Photo: СС0 / Dariusz Sankowski
Қоғам
Қысқа сілтеме алу
2130 0 0

Сенатор елімізде ешбір жерде қолданысқа енгізілмейтін, тиімсіз ғылыми жобалардың қаржыландырылып отырғанына ашынды

НҰР-СҰЛТАН, 7 қараша – Sputnik. Сенат депутаты Еділ Мамытбеков плагиат төңірегіндегі даудан кейін білім және ғылым вице-министрі Фатима Жақыпованы қызметінен босату мәселесін қозғады, деп хабарлайды Sputnik Қазақстан тілшісі.

Үкімет басшысы Асқар Маминге жолдаған депутаттық сауалында Мамытбеков білім саласында қордаланған мәселелерді көтерді. Соның бірі білім және ғылым министрінің орынбасары Фатима Жақыпованың "жалған ғалым" атануы.

"Сіздер білесіздер, бір айдан астам уақыт бойы отандық БАҚ пен шетелдік ұйымдар қазақстандық вице-министрдің плагиатын талқылап жатыр. Қазір әлемде мойындалған екі антиплагиаттық жүйе басқа біреудің ғылыми жұмысын пайдалану фактісін растап отыр. Мұндай жағдайда ведомстволық ұлттық мемлекеттік ғылыми-техникалық сараптама орталығын пайдаланып, қазақстандық қоғамды жаңылыстыру - мемлекеттік қызметкердің этикалық кодексін бұзу болып саналады", - деді депутат.

Тағы оқыңыз: Тоқаев білім министрлігіндегі жанжалдан кейін кадрлық ауыс-түйіс жасады

Мамытбеков ғылыми ұйымдар арасында қаржыны бөлу кезінде түйткілді мәселелер орын алып жатқанын алға тартты. Айтуынша, қазір елімізде ешқашан еш жерде қолданысқа енгізілмейтін жобаларға қыруар қаржы бөлінеді. Ал құнды, қоғамға пайдасы бар жобалар назардан тыс қалады, немесе бөлінген ақша оны сапалы жүзеге асыру үшін мардымсыз.

"Басқаша айтқанда, бізде ғылымды басқаратын өкілетті органда объективтілік пен әділдік жоқ", - деді ол.

Сенат депутаты "жалған ғалым" деп айыпталған вице-министрдің әлі де өз қызметінде жүргенін айтты.

"Неге әлі күнге дейін кадрлық шешім қабылданған жоқ?", - деді Мамытбеков.

Сөз соңында сенатор ғылыми қоғам мен жоғары білім жүйесін өзге елдер алдында Қазақстанның беделін түсірген лауазымды тұлғаның масқарасынан құтқаруды талап етті.

Тақырып бойынша

Әлеуметтік желіде шулап жатқан ата-аналарға білім министрлігі жауап берді
Аймағамбетов білім министрлігі қайта құрылатынын мәлімдеді
Әліппе латын қарпімен жазылады – білім министрлігі
Білім министрлігі баланың қандай жағдайда 0-сыныпқа бара алмайтынын түсіндірді
Білім министрлігі Шымкентте есірткі сатқан оқытушыға қатысты мәлімдеме жасады
Кілт сөздер:
отставка, вице-министр, білім министрлігі
Загрузка...

Басты тақырып