12:16 06 Шілде 2020
Тікелей эфир
  • USD405.69
  • EUR455.51
  • RUB5.72
Қоғам
Қысқа сілтеме алу
10564 0 0

Сегізінші және одан кейінгі балаларға жәрдемақыны сараланған түрде төлеу жоспарланып отыр. Мысалы, 8 балаға 85 мың, 10 балаға – 106 мың, 15 балаға 159 мың теңгеден төленеді

НҰР-СҰЛТАН, 17 ақпан – Sputnik. Енді бала саны жетіден асатын көпбалалы отбасыларға төленетін мемлекеттік жәрдемақының мөлшері өседі. Бұл туралы еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды Sputnik Қазақстан тілшісі.

Министр биылдан бастап көпбалалы отбасыларға табысына қарамастан мемлекеттік жәрдемақы төленетінін еске салды. Жәрдемақы бала санына қарай сараланған мөлшерде беріледі.

Төрт балаға 42 500 теңгеден 7 және одан да көп бала үшін 74 400 теңгеге дейін. Қазір бұл көмекті жыл басынан бері 370 мың отбасы алды.

"Қазіргі уақытта бұл жәрдемақы жеті баладан әрі қарай біркелкі мөлшерде төленеді. Сондықтан біз осы мәселені қарастырып, сегізінші және одан кейінгі балаларға да жәрдемақыны сараланған түрде төлеуді жоспарлап отырмыз. Мысалы, 8 балаға 85 мың, 10 балаға – 106 мың, 15 балаға – 159 мың теңгеден төленетін болады", - деді министр ведомствоның кеңейтілген алқа отырысында.

2020 жылға осы мақсаттарға бюджетте 177,6 миллиард теңге қарастырылған.

Заңға өзгеріс енгізілмек: Енді көпбалалы отбасылар 160 мың теңгеге дейін алады 

Нұрымбетов былтыр 486 мың отбасыға немесе 2 миллион 400 мың адамға 244 миллиард теңге мөлшерінде атаулы әлеуметтік көмек тағайындалғанын айтты. Ақшалай көмекпен қоса бұл отбасылардағы 94 мың адамға жұмыспен қамту жағынан көмек көрсетілген. 148 мың отбасы қосалқы шаруашылығын дамытуға мүмкіндік алса, 7 мың отбасы шағын несие арқасында өз кәсібін ашты. Нәтижесінде 136 мың отбасы қиын жағдайдан шығарылды, деп түйіндеді ол.

Тақырып бойынша

Жүйкесі сыр берген: Көпбалалы аналарға тағы бір шенеунік дөрекілік көрсетті
Жалақы, жәрдемақы және кредит: Қазақстанда 2020 жылдан бастап не өзгереді
Қазақстанда 1 қаңтардан бастап әйелдердің зейнет жасы ұлғайды
Жаңа жәрдемақы: көпбалалы отбасыларға 17 млрд теңге төленеді
21 мың теңге неге төленбей қалды: атаулы әлеуметтік көмек енді қалай есептеледі?
Кілт сөздер:
жәрдемақы, көпбалалы отбасы
Загрузка...

Басты тақырып