Қоғам

Екі қазақстандықтан коронавирус табылды - министр

© AFP 2024 / FILIPPO MONTEFORTE Вспышка коронавируса в Китае
 Вспышка коронавируса в Китае - Sputnik Қазақстан
Жазылу
Денсаулық сақтау министрлігі Қазақстанда екі адам коронавирус жұқтырғанын мәлімдеді, олар Германиядан келген

НҰР-СҰЛТАН, 13 наурыз — Sputnik. Қазақстанда коронавирус жұқтырған екі адам анықталды, деп хабарлайды Sputnik Қазақстан.

"Үш айдан бері біраз шаруа атқарылды. Бірақ, өкінішке қарай, бүгін бірнеше тексерістен кейін екі Қазақстан азаматынан коронавирус инфекциясы табылды. Бас санитарлық қаулымен бұл екі пациент карантиндік стационарға жатқызылды", - деді денсаулық сақтау министрі Елжан Біртанов орталық коммуникациялар қызметінде өткен баспасөз мәслихатында.

Министрдің айтуынша, қазіргі кезде пациенттердің жағдайы жақсы, барлық қажетті процедуралар атқарылып жатыр. 

"Дәрігерлер дайын, олар не істеу керектігін біледі. Біз көп қиындықтан өткенбіз. Осы қиындықтан да өтеміз", - деді Біртанов.

Тағы оқыңыз: Сабақ болмайды: Тоқаев ата-аналарға ақылы демалыс беруді тапсырды

Біртанов екі азамат Германиядан ұшақпен келгенін жеткізді. Олардың бірге емес, әр күні келгені белгілі болды.

"Ұшақпен келген барлық азамат анықталып, карантинге жатқызылатын болады. Бізде жолаушылардың тізімі бар. 24 сағаттың ішінде олардың барлығы карантинге стационарға жеткізілуі керек. Ал екінші ұшақта болған 12 адам карантинге жатқызылды", - деп атап көрсетті Біртанов.

© SputnikКоронавирусқа байланысты қолданылатын шаралар
Екі қазақстандықтан коронавирус табылды - министр - Sputnik Қазақстан
Коронавирусқа байланысты қолданылатын шаралар

 

Жаңалықтар
0