07:40 31 Мамыр 2020
Тікелей эфир
  • USD411.54
  • EUR458.13
  • RUB5.84
Қоғам
Қысқа сілтеме алу
Коронавирус эпидемиясы (867)
8263 0 0

19 наурыздан бастап астана мен Алматы карантинге жабылады. Президент жанындағы төтенше жағдай режимін қамтамасыз ету жөніндегі мемлекеттік комиссия осындай шешім қабылдады

НҰР-СҰЛТАН, 17 наурыз – Sputnik. Қазақстан астанасы мен Алматы қаласы 19 наурыздан бастап карантинге жабылады. 

Президент жанындағы төтенше жағдай режимін қамтамасыз ету жөніндегі мемлекеттік комиссия Қазақстанның басқа қалаларына коронавирустың таралуына жол бермес үшін Нұр-Сұлтан мен Алматы қалаларында қосымша шектеу, алдын алу және эпидемияға қарсы шараларды енгізу туралы шешім қабылдады.

Осыған сәйкес, 19 наурызда сағат 00:00-ден бастап екі мегаполисте карантин жарияланады.

Бұдан бөлек, адамдардың қозғалысы, көліктердің кіріп-шығуы шектеледі. Қоғамдық көлік қозғалысы күндізгі уақытта тоқтап немесе шектелуі мүмкін, я болмаса түнде мүлде қатынамайды. 

Азық-түлікке жатпайтын тауар базарларын, азық-түлік пен дәрі-дәрмек сататын нысандарды қоспағанда, ірі сауда-ойын сауық орталықтары мен сауда үйлерінің жұмысы уақытша тоқтатылады. 

Халыққа қызмет көрсету орталықтарының жұмыс режимі қайта ұйымдастырылады.

Тағы оқыңыз: Үйден жұмыс істейтін қазақстандықтардың жалақысы өзгере ме – министр жауабы

Сонымен бірге, карантин аймағының периметрін белгіленіп, кіру-шығу пунктері анықталады. 

Арнайы емдеу мекемелері үш санат – вирус жұқтырғандар, инфекцияға күдіктілер мен карантинге алынғандар бойынша үздіксіз жұмыс істейді. 

Қоғамдық тамақтану орындары "клиентке дейін жеткізу" қағидаты бойынша жаңа жұмыс режиміне ауысады. 

Халықтың азық-түлікке, дәрі-дәрмекке, тіршілікті қамтамасыз ету заттары мен алғашқы қажеттілік тауарларына тәулік сайынғы қажеттілігін анықталады.

Соңғы дерекке сәйкес, Қазақстанда коронавирус жұқтырғандардың саны 32-ге жетті. Нұр-Сұлтанда - 17 адам, Алматы қаласында - 15 адам.

Қазақстанда 16 наурыз таңғы сағат 08.00-ден бастап төтенше жағдай режимі жарияланды. Ол отыз күнге созылады.

Тақырып:
Коронавирус эпидемиясы (867)

Тақырып бойынша

Алматыға қонған ұшақтан коронавирус табылды: бортта 130 жолаушы болған
Жолаушылар пойызында коронавирус "табылды": вагон қоршауға алынды
Қазақстанда коронавирус жұқтырғандардың саны 32-ге жетті
Біртанов: Коронавирус – емделетін инфекция
Коронавирус жұқтырған Голливуд актері денсаулығы жайлы хабарлады
Кілт сөздер:
карантин, Алматы, Нұр-Сұлтан
Загрузка...

Басты тақырып