12:43 07 Сәуір 2020
Тікелей эфир
  • USD439.01
  • EUR474.61
  • RUB5.75
Қоғам
Қысқа сілтеме алу
Коронавирус эпидемиясы (554)
412 0 0

Төтенше жағдай кезінде дәмхана, дүкен мен сауда орталықтарының жұмысына қатысты бұйрыққа өзгеріс енгізілді

НҰР-СҰЛТАН, 23 наурыз - Sputnik. Қазақстанда аумағы 2 мың шаршы метрден кем емес ірі сауда ойын-сауық орталықтары сағат 10:00-ден 18:00-ге дейін жұмыс істеуге рұқсат беріледі.

Алайда санитарлық, залалсыздандыру шараларын күшейту керек. Бұл өзгерістің карантинге жабылған астана мен Алматы қалаларына қатысы жоқ.

Сауда және интеграция министрлігі мен денсаулық сақтау министрлігі төтенше жағдай кезінде дәмхана, дүкен мен сауда орталықтарының жұмысына қатысты бұйрыққа өзгеріс енгізді.

Құжатта аумағы 2 мың шаршы метрден кем емес ірі сауда нысандарының сағат 10:00-ден 18:00-ге дейін жұмыс істейтіні жазылған. Олардың ішіндегі азық-түлік дүкендері мен дәріханалар жұмысын әдеттегі режим бойынша жалғастырады. Аулалардағы дүкендер де жұмысын тоқтатпайды. 

Азық-түлік емес базарлар сағат 11:00-ден 17:00-ге дейін жұмыс істейді. Санитарлық шаралар күшейтіледі. 

Қоғамдық тамақтану нысандары жүмыс істейді, бірақ бірқатар шектеу енгізілген:

  • сауда орталығы аумағындағы дәмханаларда тамақтануға болмайды, тек дайын тағамды үйге жеткізу қарастырылған; 
  • сауда орталықтарының аумағында емес дәмханалар тек 22:00-ге дейін жұмыс істейді. Келушілер саны бір уақытта 50 адамнан аспауы тиіс. 

"Сауда орталықтары мен базарларды ашу шешімі қабылданды. Бұл сауда және қызмет көрсету саласындағы көптеген азаматтарды жұмыспен қамту және табысын жоғалтпаумен байланысты. Бірақ барша кәсіпкерлер бас санитар дәрігердің талаптарын сақтауы керек екенін ескертеміз", - деп жазылған хабарламада. 

Өзгеріс карантин жарияланған астана мен Алматы қалаларынан басқа аумақта қолданылады. Алайда әкім мен бас санитар дәрігердің шешімімен қосымша шектеу енгізілуі мүмкін.

Тақырып:
Коронавирус эпидемиясы (554)

Тақырып бойынша

"Айыптаудың реті жоқ": министр жұртты мазалаған сауалға жауап берді
Алматыда блок-бекетте екі адамның дене қызуы көтерілгені анықталды
Абаев төтенше жағдайдың мерзіміне қатысты ойын айтты
Нұр-Сұлтанда тағы бір адамнан коронавирус табылды
Тоқаев тапсырмасы: қазақстандықтардың кредит және салық төлемі кейінге шегеріледі
Загрузка...

Басты тақырып