02:01 01 Маусым 2020
Тікелей эфир
  • USD411.54
  • EUR458.13
  • RUB5.84
Қоғам
Қысқа сілтеме алу
Төтенше жағдай және карантин (402)
755720

Президент мұқтаж жандарға көмек көрсетілетінін, Қазақстан бұл сынақтан да сүрінбей өтетініне сенетінін айтты

АЛМАТЫ, 31 наурыз – Sputnik. Мемлекет басшысы Қасым-Жомарт Тоқаев халықты шыдамдылық, төзімділік пен жауапкершілік танытуға шақырды, деп хабарлады Sputnik Қазақстан.

"Коронавирус індетіне байланысты баршамыз күрделі кезеңді өткеріп отырмыз. Бұл – уақытша қиындық. Біз оны міндетті түрде жеңеміз. Бүкіл әлем күресуде. Біз де бар күш-жігерімізді саламыз",- деді президент үндеуінде.

Сондай-ақ, Тоқаев мұқтаж жандарға көмек көрсетілетінін, бұл сынақтан да сүрінбей өтетінімізге сенетінін айтты.

"Біз мемлекет және қоғам болып барша азаматтарымызға қолдау көрсетеміз, ешкімді көмексіз қалдырмаймыз. Мұқтаж адамдарға қол ұшын береміз. Бұған ешқандай күмән болмауы керек. Ең бастысы, шыдамдылық, төзімділік және жауапкершілік танытайық. Біз рухы асқақ, бірлігі бекем, еңсесі биік халықпыз. Сондықтан, бұл сынақтан да сүрінбей өтіп, қиындықты бірге еңсереміз деп сенемін. Басты тойларымыз әлі алда",- деді ол.

Оқи отырыңыз: Президент үкіметке жанармай бағасын арзандатуды тапсырды

Айта кетейік, бүгін мемлекет басшысы инфляцияның артуына байланысты зейнетақы, мемлекеттік жәрдемақы және атаулы әлеуметтік көмек мөлшері он процентке индексацияланатынын айтты.

Сондай-ақ, шағын және орта бизнес өкілдері 1 қазанға дейін еңбекақы төлеу қорынан ұсталатын салықтан босатылатынын, 800 мыңнан астам қазақстандыққа тегін азық-түлік берілетінін хабарлады.

Тақырып:
Төтенше жағдай және карантин (402)

Тақырып бойынша

Қазақстандықтар 1 сәуірден МӘСҚ аясында медициналық көмек алады
Кәсіпкерлер 1 қазанға дейін салықтан босатылды
Қазақстанда жәрдемақы мен зейнетақы өседі - Тоқаев тапсырма берді
Тоқаев 800 мыңнан астам қазақстандыққа тегін азық-түлік берілетінін айтты
Президент: 42 500 теңге мөлшеріндегі көмекті алатындардың саны артады
Тоқаев кредит процентін алып тастауды сұрайтындарға жауап берді
Кілт сөздер:
үндеу, Қасым-Жомарт Тоқаев
Загрузка...

Басты тақырып