НҰР-СҰЛТАН, 2 сәуір - Sputnik. Қазақстанда коронавирус жұқтырғандар саны 402-ге жетті, деп хабарлайды мемлекеттік комиссияның жедел штабы.
"Алматыда төрт адам, Нұр-Сұлтанда жеті адам, Жамбыл, Атырау облысында екі, Солтүстік Қазақстанда бір, Қарағанды облысында алты адамда COVID-19 анықталды", - деп жазылған хабарламада.
Барлығы елде 402 адам коронавирус жұқтырды:
- Нұр-Сұлтан - 191;
- Алматы - 90;
- Шымкент - 3;
- Ақмола облысы - 19;
- Ақтөбе облысы - 4;
- Алматы облысы - 9;
- Атырау облысы - 18;
- Шығыс Қазақстан облысы - 2;
- Жамбыл облысы - 5;
- Батыс Қазақстан облысы -2;
- Қарағанды облысы - 21;
- Қызылорда облысы - 25;
- Маңғыстау облысы - 1;
- Павлодар облысы - 1;
- Солтүстік Қазақстан облысы - 6;
- Түркістан облысы - 5.
Індеттен республика бойынша үш адам қайтыс болды. Коронавирустан бірінші Ақмола облысының 64 жастағы тұрғыны 26 наурызда көз жұмған еді. Екінші 50 жастағы қазақстандық 31 наурызда қайтыс болды. Кеше, 1 сәуір күні үшінші адам Қарағанды облысында көз жұмды. 26 адам жазылып шықты.