Қоғам

Моншадағы демалыс: жемқорлыққа қарсы агенттік қызметкерлеріне қатысты тергеу бастады

© Sputnik / Владислав ВодневҰялы телефон ұстап тұрған адам, архивтегі сурет
Ұялы телефон ұстап тұрған адам, архивтегі сурет - Sputnik Қазақстан
Жазылу
Қызметтік тергеудің қорытындысы бойынша тиісті шаралар қабылданады, деп сендірді жемқорлыққа қарсы агенттік

НҰР-СҰЛТАН, 20 сәуір – Sputnik. Көкшетауда төтенше жағдайға қарамастан моншаға барған сыбайлас жемқорлыққа қарсы іс-қимыл агенттігі департаментінің қызметкерлеріне қатысты қызметтік тергеу басталды. Бұл туралы агенттіктен мәлімдеді, деп хабарлайды Sputnik Қазақстан.

"Бұл факті бойынша департамент қызметкерлеріне қатысты қызметтік тергеу басталды. Оның қорытындысы бойынша тиісті шаралар қабылданады", - деп мәлімдеді сыбайлас жемқорлыққа қарсы іс-қимыл агенттігі онлайн брифингте.

Бұған дейін желіде моншаға барған лауазымды тұлғалардың видеосы тараған болатын.

Посмотреть эту публикацию в Instagram

Публикация от КОКШЕТАУ - ИА Кокшетау Азия (@kokshetauasia)

Видео 18 cәуір күні Көкшетаудағы "Избушка" монша кешенінде түсірілген. Сыбайлас жемқорлыққа қарсы іс-қимыл агенттігі департаментінің қызметкерлері төтенше жағдайға қарамастан, моншаға барған.

Видеода департамент қызметкерлерінің бірі "біраз демалуымыз керек" деп ақталады.

Лауазымды тұлғалар әкімшілік жауапкершілікке тартылды.

Жаңалықтар
0