АЛМАТЫ, 30 сәуір –Sputnik. Қазақстанда тағы 67адамнан коронавирус табылды, деп хабарлады мемлекеттік комиссияның шұғыл штабы.
Нұр-Сұлтан қаласында – 6,Алматы қаласында – 7, Шымкент қаласында – 1, Шығыс Қазақстан облысында – 3, Қызылорда облысында – 11, Маңғыстау облысында – 1, Павлодар облысында – 1,Қостанай облысында – 4, Батыс Қазақстан облысында – 8, Ақтөбе облысында – 17,Қарағанды облысында – 7, Ақмола облысында бір адамнан коронавирус инфекциясы анықталды.
Еске сала кетсек, кеше, 29 сәуір күні өткен брифингте Қазақстанның бас мемлекеттік санитар дәрігері Айжан Есмағамбетова сәуірдің соңына дейін Қазақстан бойынша коронавирус жұқтырудың 3 500 жағдайы тіркеледі деген болжам айтты. Ал мамырдың аяғына дейін 5 300-дей болады.
Сондай-ақ, ол COVID-19 вирусына үйрену керектігін жеткізді.
Бас санитар дәрігер карантинді алып тастаса да, коронавирус ешқайда кетпейтінін мәлімдеді. Енді коронавирус маусымдық аурулардың қатарына өтетінін айтты.
Елімізде коронавирус инфекциясын жұқтырғандар саны 3 205-ға жетті.
Алматы қаласы – 944, Нұр-Сұлтан қаласы – 627, Қызылорда облысы – 198, Шымкент – 190, Қарағанды облысы – 149, БҚО – 146, Атырау облысы – 135, Павлодар облысы – 128, Түркістан облысы – 124, Алматы облысы – 122, Жамбыл облысы – 116, Ақмола облысы – 99, Ақтөбе облысы – 82, Қостанай облысы – 49, Маңғыстау облысы – 46, СҚО – 30, ШҚО – 20.
Ресми ақпаратқа сәйкес, елімізде індеттен 819 адам жазылды, 25 адам қайтыс болды.
