13:34 29 Мамыр 2020
Тікелей эфир
  • USD412.55
  • EUR454.18
  • RUB5.81
Қоғам
Қысқа сілтеме алу
Төтенше жағдай және карантин (398)
145 0 0

Мешітке медициналық маска және қолғап киіп келіп, антисептикті жиі қолдану керек. Жеке құлшылық жасау кезінде бір жарым метр арақашықтық сақталады

НҰР-СҰЛТАН, 15 мамыр – Sputnik. Облыстардағы мешіттер сол өңірдегі коронавирустың таралуына жол бермеу жөніндегі жедел штабтың қаулысына сәйкес ашылады. Бұл туралы Қазақстан мұсылмандары діни басқармасының төрағасы, бас мүфти Наурызбай қажы Тағанұлы мәлімдеді, деп хабарлайды Sputnik Қазақстан тілшісі.

Бас мүфти 18 мамырда жеке құлшылық жасап, құран оқытып, неке қидыруға ниет білдірген азаматтар үшін мешіттер ашылатынын айтты. Бірақ, барлық облыста емес.  

Оқи отырыңыз: Қазақстанда Қадір түнін мешітте қарсы алуға бола ма – діни басқарманың жауабы 

"Өйткені әрбір облыстағы карантиндік жағдай деңгейі әртүрлі. Бас санитар дәрігердің карантин режимінің кезеңдік талаптарын сақтау бойынша қаулысын ұстанып келеміз. Осыған орай облыста мешіттердің ашылуы сол өңірдегі коронавирустың таралуына жол бермеу жөніндегі жедел штабтың қаулысына сәйкес жүзеге асырылады", - деді Наурызбай қажы Тағанұлы онлайн брифингте.

Айтуынша, жамағатпен оқылатын бес уақыт жұма, тарауық намазына қойылған уақытша шектеу өз күшінде қалып отыр.

Бас мүфти жамағатпен оқылатын намаздардың мерзімі алдағы уақытта қосымша хабарланатынын жеткізді.

Осы ретте басқарма төрағасы мешітке келетін жамағаттан мына талаптарды орындауға шақырды: 

  • мешітке медициналық маска және қолғап киіп келу;
  • антисептикті жиі қолдану;
  • жеке құлшылық жасау кезінде бір жарым метр арақашықтықты сақтау;
  • Құран оқитын бөлмеге 1,5 метр арақашықтықты сақтай отырып, он адамнан артық кірмеу;
  • неке қидыратын бөлмеге төрт адамнан артық кірмеу.

"Мешіт имамдарының кеңесіне құлақ асып, мешітке кезекпен кіруге, мешітте 15 минуттан артық болмауға үндейміз. Бұл мешіт ауасын әр үш сағат сайын таза ауамен алмастырып отыруға мүмкіндік береді", - деді ол.

Тақырып:
Төтенше жағдай және карантин (398)

Тақырып бойынша

Имам ораза ұстауға мүмкіндігі жоқ адамдарға кеңес берді
Ораза кезінде антисептик қолдануға бола ма – мүфтият жауабы
Рамазан айында әрбір 15 минут сайын онлайн режимде дұға оқылады
Бас мүфти Рамазан айында қандай игі іс жасап сауап алуға болатынын айтты
Онлайн-ауызашар: карантин кезінде мешіттер қалай жұмыс істеп жатыр - видео
Кілт сөздер:
Бас мүфти, мешіт
Загрузка...

Басты тақырып