00:54 05 Шілде 2020
Тікелей эфир
  • USD405.69
  • EUR455.51
  • RUB5.72
Қоғам
Қысқа сілтеме алу
Төтенше жағдай және карантин (489)
8770 0 0

Кері қайтарылған өтініштерді қайта қараудың бір шарты бар. Табыстан айырылғаны туралы құжаттарды көрсету керек

НҰР-СҰЛТАН, 26 мамыр – Sputnik. Еңбек және халықты әлеуметтік қорғау вице-министрі Ақмади Сарбасов 42 500 теңге ала алмаған азаматтардың өтінішін қайта қарау тәртібін түсіндірді, деп хабарлайды Sputnik Қазақстан тілшісі.

"Бұған дейін кері қайтарылған өтініштер ғана қайта қаралады. Ол үшін аудандық жұмыспен қамту бөлімі арқылы аудандық штабқа өтініш беру керек. Ал жалдамалы жұмысшылар болса, онда өтінішті олардың жұмыс берушісі тапсыруы қажет", - деді Сарбасов бүгінгі онлайн брифингте.

Оқи отырыңыз: Үш миллионға тарта адам 42 500 теңгені екінші рет алды 

Оның айтуынша, жеке кәсіпкерлер мен азаматтық-құқықтық сипаттағы келісімшартпен жұмыс істейтін азаматтар өтінішті өздері бере алады.

"Сосын кері қайтарылған өтініштерді қайта қараудың тағы бір шарты бар. Табысынан айырылғаны туралы құжаттарды көрсету керек. Мәселен, жалдамалы жұмысшылар ақысыз демалысқа шыққанын дәлелдейтін бұйрықты ұсынуы шарт. Ал жеке кәсіпкерлер банк анықтамасын, я болмаса, қаржылай бір есепті беруі керек. Бірақ ол құжатта адамның табысынан айырылғаны анық көрсетілуі қажет", - деп түсіндірді Сарбасов.

Вице-министр барлық құжат жиналғаннан кейін жұмыспен қамту бөлімі оны аудандық штабтың қарауына шығаратынын атап өтті. Ал штаб 42 500 теңге беру, я болмаса, бермеу туралы шешім шығарады. Оң шешім шығарылса, өтініш халыққа қызмет көрсету орталығы арқылы мемлекеттік әлеуметтік сақтандыру қорының филиалына жолданады.

"Мемлекеттік әлеуметтік сақтандыру қорының филиалы барлық талапты ескере отырып, төлемді беруге немесе бермеуге құқылы. Ал өтініш берген адам аудандық штаб, я болмаса, мемлекеттік әлеуметтік сақтандыру қорының филиалы шығарған шешіммен келіспесе, облыстық штабтан өтінішті қайта қарауды талап ете алады. Облыстық штаб оң шешім шығарса, өтініш әлеуметтік төлемді тағайындауға жіберіледі", - дейді Сарбасов.

Тақырып:
Төтенше жағдай және карантин (489)

Тақырып бойынша

Төтенше жағдай аяқталған соң 42 500 теңгені қалай алуға болады
Министрлік 42 500 теңгенің жіберілгенін қалай тескеруге болатынын түсіндірді
42 500 теңгені алғандарға мемлекеттік қолдау көрсетіледі
42 500 теңге ала алмаған азаматтардың өтініші қайта қаралады: не істеу керек
Кілт сөздер:
жәрдемақы, Еңбек министрлігі
Загрузка...

Басты тақырып