00:41 05 Шілде 2020
Тікелей эфир
  • USD405.69
  • EUR455.51
  • RUB5.72
Қоғам
Қысқа сілтеме алу
Төтенше жағдай және карантин (489)
6057 0 0

Қайтыс болған адамдардың немесе басқа елге көшіп кеткендердің атынан жалған өтініштер берілген, тіпті түрмеде отырғандар да 42 500 теңгеден дәмеленген

НҰР-СҰЛТАН, 26 мамыр – Sputnik. 42 500 теңгеге 8 миллионнан астам адам өтініш берген. Бұл туралы еңбек және халықты әлеуметтік қорғау вице-министрі Ақмади Сарбасов мәлім етті, деп хабарлайды Sputnik Қазақстан тілшісі.

Ресми мәліметке сәйкес, әлеуметтік төлем алуға 8 миллионнан астам өтініш түскен. Соның ішінде 4,6 миллион адамға 42 500 теңге берілді. Осылайша өтініш бергендердің жартысына жуығының табысынан айырылғаны расталмаған. 

"Төтенше жағдай кезінде табысы артқан азаматтар да болған. Соған қарамастан әлеуметтік төлемге өтініш берді. Бұдан бөлек, өтініште көрсетілген мәліметтер нақты деректерге сәйкес келмеді. Табысты екі жақтан алып отырғандар да болды. Сосын қайтыс болған адамдардың атынан немесе басқа елге көшіп кеткендердің атынан жалған өтініштер берілді. Тіпті, түрмеден отырғандардан өтініш түскен. Негізі олар мемлекеттік қамсыздандыру жүйесіне кіреді", - деді Сарбасов бүгінгі онлайн брифингте. 

Оқи отырыңыз: 42 500 теңгені алатындар қандай шартты орындайтыны белгілі болды 

Оның айтуынша, алғашқы айда 3,7 миллион адам төлем алса, екінші айда 2,9 миллион адамға берілді. Қаржының жалпы сомасы 194,2 миллиард теңгені құрап отыр.  

Айта кетейік, жақында министрлік әлеуметтік төлем беру ережесіне тағы өзгеріс енгізді. Оған сәйкес, кері қайтарылған өтініштер қайта қаралады. Ол үшін жұмыспен қамту бөліміне тиісті құжаттарды тапсыру керек. Жалдамалы жұмысшылар үшін жұмыс берушілер өтініш берсе, жеке кәсіпкерлер өздері арыз жазады. Өтініштерді аудандық штаб қарайды.  

Тақырып:
Төтенше жағдай және карантин (489)

Тақырып бойынша

Төтенше жағдай аяқталған соң 42 500 теңгені қалай алуға болады
Үш миллионға тарта адам 42 500 теңгені екінші рет алды
42 500 теңгені алғандарға мемлекеттік қолдау көрсетіледі
42 500 теңге ала алмаған азаматтардың өтініші қайта қаралады: не істеу керек
Кілт сөздер:
жәрдемақы, вице-министр
Загрузка...

Басты тақырып