08:14 13 Тамыз 2020
Тікелей эфир
  • USD418.90
  • EUR492.88
  • RUB5.73
Қоғам
Қысқа сілтеме алу
3698 0 0

Көлік жүргізушілері бетперде, қолғаппен қамтамасыз етіліп, адамдар арасында кемі бір метр арақашықтық сақталуы тиіс

НҰР-СҰЛТАН, 29 мамыр – Sputnik. Индустрия және инфрақұрылымдық даму министрлігі 1 маусым күні блок бекеттер алынып, 5 маусымнан бастап қалааралық автобустардың жолға шығатынын мәлімдеді, деп хабарлайды Sputnik Қазақстан тілшісі.   

Көлік комитеті төрғасының орынбасары Жәнібек Тайжановтың айтуынша, ведомствоаралық комиссияның шешімімен 1 маусым күні қалалар арасында блок-бекеттер алынады. Осыған байланысты 5 маусымнан автобус қатынасын қалпына келтіру жұмысы басталады.

"Бас санитарлық дәрігердің қаулысы негізінде жолаушыларды тасымалдау ережесі әзірленді. Оған сәйкес, автобустар дезинфекциядан өткізіліп, жолаушылар салонға тек бетпердемен ғана кіргізілетін болады", – деді Тайжанов бүгінгі онлайн брифингте.

Комитет өкілінің түсіндіруінше, адамдар арасында кемі бір метр арақашықтық сақталуы тиіс. Көлік жүргізушілері бетперде, қолғаппен қамтамасыз етілуі шарт. Ал әкімдіктер болса, бақылау шараларын жүргізеді.

Оқи отырыңыз: "Жаман сөздің бәрін біз естиміз": Нұр-Сұлтанда автобус айдайтын көпбалалы ананың әңгімесі

Оның сөзіне қарағанда, қазіргі кезде елімізде 313 халықаралық маршрут қызмет көрсетеді. Осы бағыттарда 88 тасымдалдаушы компания жұмыс істейді. Оларда барлығы 610 автобус бар.

Айта кетейік, көліктегі бас мемлекеттік санитарлық дәрігер Сәдуақас Байғабылов блок бекеттерді алып тастағаннан кейін жеке көлікпен де шығуға болатынын жеткізді.

"Блок бекеттерді алып тастаса, қалааралық автобустарға ғана емес, жеке көлікпен де шығуға рұқсат бар. Яғни, пойыздар да, автобустар да шығады. Жеке көлікпен де жүруге болады", – деп атап көрсетті Байғабылов.

Тақырып бойынша

Қазақстанда қалааралық автобустар қашан жүре бастайды
Коронавирус жұқтырған жолаушыны Шымкентке жеткізген автобус туралы не білеміз
Қарағанды облысында автобус шығаратын зауыт салынады
Нұр-Сұлтанда автобус қозғалысы қайта тоқтатылуы мүмкін
Кілт сөздер:
Жолаушылар тасымалы, жолаушылар автобусы, жолаушы
Загрузка...

Басты тақырып