21:37 07 Тамыз 2020
Тікелей эфир
  • USD417.87
  • EUR495.59
  • RUB5.70
Қоғам
Қысқа сілтеме алу
836 0 0

eGov.kz порталында QR-кодты сканерлеу арқылы алуға болатын қызметтер тізімі пайда болады, болашақта бұл тізім кеңейе түседі

НҰР-СҰЛТАН, 11 маусым – Sputnik. Қазақстанда енді некені тіркеуге QR-код арқылы өтініш беруге болады. Бұл туралы цифрлық даму, инновациялар және аэроғарыш өнеркәсібі министрі Асқар Жұмағалиев халыққа есеп беру кездесуінде мәлімдеді, деп хабарлайды Sputnik Қазақстан.

Айтуынша, қазір техник мамандар QR-код көмегімен алуға болатын қызметтерді осы айда іске қосу үшін жұмыс істеп жатыр.

Бұл қызметтердің қатарында:

  • некені тіркеу;
  • баланың туғанын тіркеу;
  • баланы балабақша кезегіне қою;
  • заңды тұлғаны ашу;
  • салық есептілігін (250 форма) қабылдау бар.

"Осы қызметтерді компьютерде алған кезде, электронды сандық қолтаңбамен қол қою орнына, QR-кодты сканерлеп, eGov Mobile мобильді қосымшасы арқылы қызметті алуға сұрау жіберу жеткілікті. Электронды сандық қолтаңбаны қолдану үшін компьютерге қосымша бағдарлама орнатудың да қажеті жоқ", - деді Жұмағалиев.

eGov.kz порталында осы қызметтерді алған кезде, азамат "QR-code арқылы қол қою" функциясын таңдайды.

Тағы оқыңыз: Жоғалған автокөлік нөмірін үйден шықпай-ақ қалпына келтіруге болады

Осыдан кейін eGovMobile қосымшасының көмегімен мониторда пайда болған кодты сканерлейді.

Кейбір қызметтер үшін QR-код арқылы қол қою мүмкіндігі осы айдың соңына дейін жүзеге асады.

Болашақта бұл қызметтер тізімі кеңейе түспек.

eGov mobile қосымшасын App Store және PlayMarket платформаларынан жүктеуге болады.

Кілт сөздер:
неке, үйлену тойы, электронды үкімет порталы
Загрузка...

Басты тақырып